குத்துச்சண்டை வீரர் முகமது அலி மலையாளியா? வருத்தம் தெரிவித்த கேரளா அமைச்சர்
திருவனந்தபுரம்: குத்துச் சண்டை வீரர் முகமது அலி கேரளாவை சேர்ந்தவர் என்று தவறுதலாக கூறிவிட்டதாக அம் மாநில விளையாட்டு துறை அமைச்சர் ஜெயராஜன் வருத்தம் தெரிவித்துள்ளார்.
முன்னாள் ஹெவி வெயிட் குத்துச் சண்டை வீரர் முகமது அலி உடல்நலக் குறைவால் காலமானார். அவரது மறைவு குறித்து கேரளா மாநிலத்தின் விளையாட்டுத் துறை அமைச்சர் ஜெயராஜனிடம் டிவி சேனல் ஒன்றில் கருத்து கேட்கப்பட்டது. அப்போது கேரளாவைச் சேர்ந்த மிகச் சிறந்த விளையாட்டு வீரர் முகமது அலி; அவர் தங்க பதக்கத்தை வென்று கேரளாவின் பெருமையை உலகறியச் செய்தார் என்று தெரிவித்தார்.
கேரளா அமைச்சரின் அறியாமை சமூக வலைத்தளங்களில் மிக அதிகமாக விமர்சிக்கப்பட்டு வருகிறது. ஒரு மாநிலத்தின் விளையாட்டுத்துறை அமைச்சருக்கே முகமது அலி யார் என தெரியவில்லை எனவும் விமர்சனம் முன்வைக்கப்பட்டது.
இந்த நிலையில், முகமது அலி மரணம் குறித்து கருத்து கேட்டபோது நான் கேரளாவை சேர்ந்த விளையாட்டு வீரர்தான் உயிரிழந்துவிட்டார் என்று தவறுதலாக புரிந்து கொண்டு கருத்து கூறிவிட்டேன். எப்படியிருந்தாலும் தவறு தவறுதான். அதற்காக வருந்துகிறேன் என விளக்கம் அளித்திருக்கிறார் அமைச்சர் ஜெயராஜன்.
Click it and Unblock the Notifications
Sign in with Google