கேரளாவிலிருந்து திடீர் எஸ்கேப்.. அமித்ஷாவை கலாய்க்கும் மலையாளிகள்.. வைரலான 'அமித்தாதி' ஹேஷ்டேக்!
பாஜகவின் மக்கள் பாதுகாப்பு பேரணியில் இருந்து அமித்ஷா வெளியேறியதை அடுத்து கேரள மக்கள் அமித்தாதி என்ற ஹேஷ்டேக் உருவாக்கி அவரைக் கலாய்த்தனர்.
திருவனந்தபுரம்: பாஜக கேரள மாநிலத்தில் 'மக்கள் பாதுகாப்பு பேரணி' என்ற பெயரில் நீண்ட பேரணி ஒன்றை நடத்தி வருகிறது. பாஜகவின் பல தலைவர்கள் இதில் கலந்து கொண்டுள்ளனர்.
இந்தப் பேரணியை தொடங்கி வைத்த அமித்ஷா, திடீர் என்று பாதியில் பேரணியில் இருந்து வெளியேறினார். இதையடுத்து கேரள மக்கள் 'அமித்தாதி' என்ற ஹேஷ்டேக் உருவாக்கி அவர் வெளியேறியதைக் கலாய்த்து வருகின்றனர்.
இது இணையத்தில் நேற்று வைரல் ஆனது. நேற்றில் இருந்து தொடர்ச்சியாக இதில் பலர் போஸ்ட் செய்து வருகின்றார். இந்திய அளவில் இந்த ஹேஷ்டேக் சில மணிநேரம் முதல் இடத்தில் இருந்தது.
கேரளாவில் பேரணி
உத்திரபிரதேச முதல்வர் யோகி, பிஜேபி தலைவர் அமித் ஷாவுடன் இணைந்து கேரளா மாநிலத்தில் ``மக்கள் பாதுகாப்பு பேரணி`` என்ற தலைப்பில் அணிவகுப்பு நடத்தி வந்தனர். கேரளாவில் பாஜகவின் வலிமையை காட்டும் விதத்தில் இந்தப் பேரணியை நடத்த திட்டமிட்டிருந்தது பாஜக. இந்தப் பேரணியில் நிறைய பாஜக தலைவர்கள் கலந்து கொண்டுள்ளனர்.
அமித் ஷா வெளியேறினார்
ஒரு வாரம் நடக்கும் இந்தப் பேரணியில் இருந்து இரண்டு நாட்களுக்கு முன் திடீர் என்று அமித் ஷா விலகினார். கேரள மக்கள் போதிய அளவுக்கு பேரணியைக் கண்டுகொள்ளாததால் அமித்ஷா இந்த திடீர் முடிவை எடுத்திருந்ததாக செய்திகள் வெளியாகியிருந்தன. இது அந்தக் கட்சியினர் இடையே பரபரப்பை ஏற்படுத்தியது.
|
ட்ரெண்ட் ஆன அமித்தாதி
இந்த நிலையில் பாதியில் வெளியேறிய கேரள மக்கள் அமித்ஷாவையும் , உத்திர பிரதேச முதல்வர யோகி ஆதித்யாவையும் கலாய்க்கத் தொடங்கினர். இதற்காக டிவிட்டரில் `அமித்தாதி` என்ற ஹேஷ்டாக்கை உருவாக்கிய கேரள மக்கள் நேற்று காலையில் இருந்து விடாமல் அதில் போஸ்ட் செய்து வருகின்றனர். அமித்ஷாவில் உள்ள 'அமித்' என்ற வார்த்தையையும், யோகி ஆதித்யாவில் உள்ள 'ஆதி' என்ற வார்த்தையையும் இணைத்து இந்த புதிய அமித்தாதி வார்த்தையை உருவாக்கியுள்ளனர்.
|
அதன் அர்த்தம்
கேரளா மக்கள் இந்த புதிய வார்த்தைக்கு காமெடியான பொருள் ஒன்றையும் வழங்கி உள்ளனர். அதன்படி அமித்தாதி என்றால் பாதியில் வெளியேறுதல் என்று அர்த்தம் கொடுத்துள்ளனர். அமித்ஷா பாதியில் வெளியேறியதை அடுத்து இவ்வாறு அர்த்தம் வழங்க முடிவு எடுத்துள்ளனர்.
Click it and Unblock the Notifications
Sign in with Google