எங்கே போகிறது சமூகம்? பள்ளி ஆண்டு விழாவில் வெறும் டவலை கட்டி கொண்டு நடனம் ஆடிய பெண்கள்! சர்ச்சை!

கொல்கத்தா: மேற்கு வங்கத்தில் உள்ள ஒரு பள்ளி ஆண்டு விழாவில் எடுக்கப்பட்ட வீடியோ சமூக வலைத்தளங்களில் வைரலாகி பெரும் விவாதத்தை கிளப்பியுள்ளது. கொல்கத்தாவில் உள்ள தனியார் பள்ளியில் நடந்ததாக கூறப்படும் இந்த நிகழ்வில், இளம் பெண்கள் சிலர் துண்டுகளை கட்டிக் கொண்டு ஆபாசமான அசைவுகளுடன் நடனமாடும் காட்சி அந்த வீடியோவில் பதிவாகியுள்ளது.

வீடியோவில், மாணவிகள் மேடையில் நடனமாடிக் கொண்டிருக்கிறார்கள். பின்னணியில் வங்காள மொழி பாட்டு ஒலிக்கிறது. மேடைக்குப் பின்னால் பள்ளியின் பெயர் பொறிக்கப்பட்ட பதாகை தெரிகிறது. மேலும், பார்வையாளர்களாக அமர்ந்து நிகழ்ச்சியைப் பார்த்துக் கொண்டிருக்கும் பல மாணவிகளும் வீடியோவில் காணப்படுகிறார்கள்.

இந்த குறுகிய வீடியோ பல்வேறு சமூகவலைத்தள தளங்களில் விரைவாகப் பரவி, பார்வையாளர்களிடம் வலுவான எதிர்ப்பைத் தூண்டியுள்ளது.

இத்தகைய ஒரு நடனம் பள்ளி கலாச்சார நிகழ்ச்சியின் ஒரு பகுதியாக இருந்தது நெட்டிசன்கள் பலரையும் ஆச்சரியப்படுத்தியுள்ளது. இது போல் ஆபாச நடனங்கள் பள்ளி மாணவர்களின் மனதை கெடுக்கும் நிலை உள்ளது. மேலும் மாணவர்கள் சீரழிய வழிவகுப்பதுடன் அவர்களுக்கு தவறான முன்னுதாரணத்தை கொடுத்துவிடும்.

இதுபோன்ற நடனத்திற்கு பள்ளி நிகழ்வில் எவ்வாறு அனுமதி வழங்கப்பட்டது என்று பலரும் கேள்வி எழுப்பினர். பள்ளி நிகழ்ச்சிகள் கல்வி, ஒழுக்கம் மற்றும் நேர்மறையான மதிப்புகளை ஊக்குவிக்கும் நடவடிக்கைகளுக்கு முக்கியத்துவம் அளிக்க வேண்டும் என சமூக வலைத்தளவாசிகள் கோரிக்கை வைத்துள்ளனர்.

மேலும் பலர் இந்த நிகழ்ச்சியின் தன்மை குறித்து கவலை தெரிவித்துள்ளனர். இத்தகைய செயல்கள் பள்ளிச் சூழலுக்குப் பொருத்தமற்றவை என்று வாதங்கள் எழுந்துள்ளன. இதன் விளைவாக, இந்த வீடியோ விரைவாக சமூக வலைத்தளங்களில் ஒரு பிரபலமான விவாதப் பொருளாக மாறியது.

இந்த செயலுக்கு பள்ளி மீதோ அல்லது நிகழ்ச்சியை நடத்தியவர்கள் மீதோ அல்லது இந்த உடை அணிந்து ஆட அனுமதி கொடுத்துவர்கள் மீதோ நடவடிக்கை எடுக்க வேண்டும் என்றும், பள்ளி நிர்வாகத்திடமிருந்து விளக்கம் கோர வேண்டும் என்றும் வலியுறுத்தியுள்ளனர்.

இது சர்ச்சையை மேலும் தூண்டி, கல்வி நிறுவனங்களில் அனுமதிக்கப்படும் நிகழ்ச்சிகளின் வகைகள் குறித்து விவாதங்களைத் தூண்டியுள்ளது. இந்த வைரல் வீடியோ தொடர்பாக பள்ளி நிர்வாகத்திடமிருந்து இதுவரை எந்த அதிகாரப்பூர்வ பதிலும் வரவில்லை.

மேலும், இந்த நிகழ்வு எப்போது நடந்தது மற்றும் நிகழ்ச்சியில் பங்கேற்றவர்கள் மாணவர்களா அல்லது அழைக்கப்பட்ட கலைஞர்களா என்பதும் தெளிவாகத் தெரியவில்லை.

English summary

A video allegedly recorded at a private school in Kolkata has sparked widespread outrage on social media. The clip reportedly shows students performing an inappropriate dance during a school event, prompting calls for action and an official inquiry by authorities.