அழுவாதீங்க.. கிரைப் வாட்டர் குடிங்க.. குமாரசாமிக்கு பார்சல் அனுப்பி பாஜகவினர் குசும்பு!

பொது மேடையில் கண்ணீர்விட்ட கர்நாடக முதல்வர் குமாரசாமியை கிண்டல் செய்யும் விதமாக பாஜக கட்சியினர் அவருக்கு கிரைப் வாட்டர் அனுப்பி வைத்து இருக்கிறார்கள்.

பெங்களூர்: பொது மேடையில் கண்ணீர்விட்ட கர்நாடக முதல்வர் குமாரசாமியை கிண்டல் செய்யும் விதமாக பாஜக கட்சியினர் அவருக்கு கிரைப் வாட்டர் அனுப்பி வைத்து இருக்கிறார்கள்.

கர்நாடக அரசியலில் தற்போது முதல்வர் குமாரசாமி கண்ணீர்விட்டதுதான் ஹாட் டாப்பிக். முதல்வர் பதவி என்பது ரோஜாப் பூ படுக்கை அல்ல என்றும் அவர் தெரிவித்து மேடையிலேயே அவர் கண்ணீர் வடித்தார்.

கர்நாடகத்தில் சட்டசபை தேர்தலில் தேர்தலுக்கு பின்னர் காங்கிரஸ் கட்சியுடன் கூட்டணி அமைத்து ஆட்சி செய்து வருகிறார் குமாரசாமி. மக்களுக்காக சிவனைப் போல நானும் ஆலகால விஷத்தை விழுங்கி விட்டேன், நான் பதவியை விலக கூட தயார் என்று கூறி கண்ணீர் வடித்தார்.

அவரின் கண்ணீரை கிண்டல் செய்து பாஜகவினர் மீம்ஸ் போட்டு வந்தனர். காங்கிரஸ் கட்சியை சேர்ந்த சிலரும் கூட கிண்டல் செய்தனர்.

இந்த நிலையில் மண்டியா பகுதியை சேர்ந்த பாஜக கட்சியினர், குமாரசாமியின் கண்ணீரை வைத்து அவரை மோசமாக கிண்டல் செய்து இருக்கிறார்கள். மண்டியாவில் பாஜகவை சேர்ந்த மஞ்சுநாத் மற்றும் அவரது நண்பர்கள் சிலர் சேர்ந்து இந்த செயலை செய்துள்ளனர்.

அதன்படி மொத்தம் 6 கிரைப் வாட்டர் பாட்டில்களும், குழந்தைகள் பயன்படுத்தும் 6 விளையாட்டு பொருட்களையும் அனுப்பி இருக்கிறார்கள். இந்த சம்பவம் கர்நாடக அரசியல் வட்டாரத்தில் புயலை கிளப்பி இருக்கிறது.

English summary

Karnakataka CM Kumaraswamy gets Gripe Water from BJP as he cries in public stage .