குமாரசாமிதான் கர்நாடகாவின் அடுத்த முதல்வர்.. காங்கிரஸுடன் கூட்டணி.. மம்தாவின் புதிய கணிப்பு!
கர்நாடகாவில் காங்கிரஸ் கட்சியின் உதவியுடன் ஜெடிஎஸ் கட்சியின் குமாரசாமி ஆட்சி அமைப்பார் என்று மேற்கு வங்க முதல்வர் மம்தா பானர்ஜி கண்டித்துள்ளார்.
பெங்களூர்: கர்நாடகாவில் காங்கிரஸ் கட்சியின் உதவியுடன் ஜெடிஎஸ் கட்சியின் குமாரசாமி ஆட்சி அமைப்பார் என்று மேற்கு வங்க முதல்வர் மம்தா பானர்ஜி கண்டித்துள்ளார்.
கர்நாடக சட்டசபை தேர்தல் தற்போது மும்முரமாக நடந்து வருகிறது. இதற்கான வாக்கு எண்ணிக்கை மே 15ம் தேதி நடைபெறும் என்று தேர்தல் ஆணையம் அறிவித்துள்ளது. மொத்தம் 222 தொகுதிகளுக்கு தேர்தல் நடக்க உள்ளது. ஜெயநகர் தொகுதி பாஜக வேட்பாளர் மரணம் அடைந்துவிட்டதால், அந்த தொகுதிக்கான தேர்தல் தள்ளி வைக்கப்பட்டுள்ளது. அதேபோல் 10,000 வாக்காளர் அடையாள அட்டை ஒரே வீட்டில் இருந்து எடுக்கப்பட்டதால், ராஜ ராஜேஸ்வரி தொகுதி தேர்தலும் தள்ளி வைக்கப்பட்டுள்ளது.
இதுவரை வந்த தேர்தலுக்கு முந்தைய கருத்துக் கணிப்புகளின் படி, கர்நாடகாவில் யாருக்குமே பெரும்பான்மை கிடைக்காது என்று கூறப்படுகிறது. அதன்படி காங்கிரஸ், பாஜக, ஜெடிஎஸ் ஆகிய மூன்று கட்சிகளும் பெரும்பான்மை பெறாது. ஜெடிஎஸ் எந்த கட்சியை ஆதரிக்கிறதோ, அந்த கட்சிதான் ஆட்சி அமைக்கும் என்று கூறப்படுகிறது.
ஜெடிஎஸ் பெரும்பாலும் பாஜகவை ஆதரிக்கும் என்றும் கூறப்படுகிறது. இதற்கான கூட்டணி வலைகளை மோடி, முன்பே பிரச்சாரத்தின் போது வீசினார். ஆனால் காங்கிரஸ் ஜெடிஎஸ்ஸின் தேவகவுடாவிற்கு எதிராக பேசி வந்தது. இதனால் காங்கிரஸ் ஜெடிஎஸ் கூட்டணி உருவாக வாய்ப்பில்லை என்றும் கூறப்பட்டது. ஆனால் தற்போது மேற்கு வங்க முதல்வர் மம்தா பானர்ஜி இதில் வித்தியாசமான கணிப்பு ஒன்றை வெளியிட்டுள்ளார்.
அதன்படி கர்நாடகாவில் யாருக்கும் பெரும்பான்மை கிடைக்காது என்பது உண்மைதான், ஆனால் இந்த முறை காங்கிரஸ், பாஜக இரண்டு கட்சிகளும் ஆட்சி அமைக்க போவதில்லை. இந்த முறை கண்டிப்பாக ஜெடிஎஸ் கட்சிதான் ஆட்சி அமைக்கும். தேவ கவுடாவின் மகன் குமாரசாமிதான் ஆட்சி அமைக்க போகிறார். அவர்தான் முதல்வராக இருப்பார் என்று கூறியுள்ளார்.
பாஜக எவ்வளவு முயன்றாலும், தென்னிந்தியாவில் ஆட்சி அமைக்கவே முடியாது. குமாரசாமி காங்கிரஸ் கட்சியின் உதவியுடன் மட்டுமே ஆட்சி அமைக்க போகிறார். காங்கிரஸ் தேவ கவுடாவிற்கு எதிராக பேசி இருக்க கூடாது. ஆனாலும் இந்த தேர்தலில் காங்கிரஸ், ஜெடிஎஸ் கூட்டணி உருவாக்கி பிரகாசமான வாய்ப்பு இருக்கிறது என்று குறிப்பிட்டு இருக்கிறார்.
Click it and Unblock the Notifications
Sign in with Google