லலித் மோடி-பிரதமர் மோடி- அமித் ஷா-சுஷ்மா -வசுந்தரா... இது செம ஸ்ட்ராங் லிங்க்!: காங்கிரஸ்

டெல்லி: தேடப்படும் குற்றவாளி லலித் மோடி, பிரதமர் மோடி, பாஜக தலைவர் அமித் ஷா, மத்திய வெளியுறவு அமைச்சர் சுஷ்மா ஸ்வராஜ், ராஜஸ்தான் முதல்வர் வசுந்தரா இடையிலான தொடர்பு மிக இறுக்கமானது, ஆழமானது என்று காங்கிரஸ் மூத்த தலைவர் ஜெய்ராம் ரமேஷ் கருத்து தெரிவித்துள்ளார்.

ஜெய்ராம் ரமேஷ், டெல்லியில் செய்தியாளர்களிடம் இதுகுறித்துப் பேசுகையில், "தேடப்படும் குற்றவாளியான லலித் மோடி-பிரதமர் மோடி-பா.ஜனதா தலைவர் அமித் ஷா-சுஷ்மா சுவராஜ்-வசுந்தரா ராஜே ஆகியோருக்கு இடையே ஆழமான தொடர்பு உள்ளது. அந்தத் தொடர்பை இப்போதும் தொடர்வதுதான் பெரும் ஆபத்து.

மத்திய அரசு தன்னையும், பாராளுமன்ற மழைக்கால கூட்டத்தொடரையும் காப்பாற்றிக் கொள்ள வேண்டுமானால், சுஷ்மா சுவராஜ், வசுந்தரா ராஜே ஆகியோரை பதவி விலகச் செய்ய வேண்டும். அதைத்தவிர வேறு வழியில்லை.

யோகா தின நிகழ்ச்சிகளில் பிஸியாக உள்ள பிரதமர், அந்த நிகழ்ச்சிகளுக்குப் பிறகு இந்த விவகாரத்தில் கடும் நடவடிக்கை எடுப்பார் என்று நம்புகிறோம். அதை விட்டால் வேறு தீர்வு இல்லை," என்றார்.

English summary

Senior Congress Leader Jayaram Ramesh says that the link between wanted criminal Lalit Modi, PM Modi, Union Minister Sushma Swaraj, BJP president Amit Shah and Rajasthan CM Vasunthara Raje is very deep and strong.