நீங்க ஆர்.எஸ்.எஸ்.னா நாங்க டி.எஸ்.எஸ்.... லாலு மகன் அதிரடியாக தொடங்கிய புதிய இயக்கம்!
ஆர்.எஸ்.எஸ். இயக்கத்துக்கு போட்டியாக லாலு மகனும் பீகார் அமைச்சருமான தேஜ் பிரதா டிஎஸ்எஸ் என்ற புதிய இயக்கத்தை தொடங்கியுள்ளார்.
பாட்னா: பாஜகவின் தாய் அமைப்பான ஆர்.எஸ்.எஸ்.இயக்கத்துக்கு பதிலடி கொடுக்கும் வகையில் தர்மநிபேக்ஷா சேவக் சங் (டிஎஸ்எஸ்) என்ற இயக்கத்தை தொடங்கியுள்ளார் லாலு பிரசாத் யாதவ் மகனும் பீகார் அமைச்சருமான தேஜ் பிரதாப் யாதவ்.
ஆர்.எஸ்.எஸ். இயக்கம் இந்துத்துவா கொள்கைகளை தீவிரமாக பிரசாரம் செய்து வருகிறது. இதற்கு பதிலடி கொடுக்கத்தால் டிஎஸ்எஸ் இயக்கத்தை தொடங்கியுள்ளாராம் தேஜ் பிரதாப்.
ஆர்.எஸ்.எஸ்.இயக்கத்தின் மக்களை பிளவுபடுத்தும் பிரசாரங்களுக்கு டிஎஸ்எஸ் தக்க பதிலடி தரும் என்கிறார் தேஜ் பிரதாப். மேலும் அனைத்து சமூக மக்களையும் அரவணைத்துச் செல்லக் கூடிய இயக்கமாக டிஎஸ்எஸ் செயல்படும் என்கிறார் தேஜ் பிரதாப்.
இது தொடர்பாக கருத்து தெரிவித்த பாஜக மூத்த தலைவர் சுஷில் குமார் மோடி, தேஜ் பிரதாப் முதலில் ஆர்.எஸ்.எஸ். இயக்கத்தில் சேர்ந்து அதன் செயல்பாடுகளை ஓராண்டுக்கு பார்கட்டும். அதன்பின்னர் அவர் வேறு முடிவு எடுக்கட்டும் என்றார்.
Click it and Unblock the Notifications
Sign in with Google