சோனியா காந்தியுடன் லாலு சந்திப்பு பா.ஜனதாவை முழுமூச்சுடன் எதிர்க்க உறுதி

டெல்லி: லோக்சபா தேர்தல் முடிவுகள் வெளியான நிலையில், காங்கிரஸ் தலைவர் சோனியா காந்தியை ராஷ்டிரிய ஜனதாதள தலைவர் லாலுபிரசாத் யாதவ் நேற்று சந்தித்து பேசினார்.

லோக்சபா தேர்தலில் காங்கிரஸ் மற்றும் ராஷ்டிரிய ஜனதா தளம் தோல்வியைச் சந்தித்தது. இந்த தோல்விக்குப் பின்னர் டெல்லியில் சோனியா காந்தியை லாலு பிரசாத் யாதவ் நேற்று சந்தித்தார்.

பின்னர் செய்தியாளர்களிடம் பேசிய அவர், பாரதிய ஜனதாவின் வெற்றி என்பது ஒரு புயல் மாதிரி. அது நீண்ட நாள் நீடிக்காது. பாரதிய ஜனதாவை முழுமூச்சுடன் எதிர்த்து போராடுவோம்.

பீகாரில், பா.ஜனதாவை ஆட்சிக்கு வரவிடாமல் தடுப்பதற்குத்தான் புதிய ஐக்கிய ஜனதாதள அரசுக்கு நிபந்தனையற்ற ஆதரவு தெரிவித்தோம். இருப்பினும், அரசை கண்காணித்து வருவோம் என்றார்.

English summary

Rashtriya Janata Dal or RJD chief Lalu Yadav met Congress President Sonia Gandhi and promised to fight the BJP tooth and nail amid signs of a realignment of political forces in Bihar.