சிறுநீரக பிரச்சனை: பிரபல பின்னணி பாடகர் மன்னா டே மரணம்

பெங்களூர்: பிரபல பின்னணி பாடகர் மன்னா டே இன்று காலமானார்.

பிரபல பின்னணி பாடகர் பிரபோத் சந்திரா டே என்ற மன்னா டே. அவர் இந்தி, பெங்காளி, அஸ்ஸாம் மொழி, மராத்தி, மலையாளம், கன்னடம், குஜராத்தி, பஞ்சாபி மற்றும் போஜ்புரி ஆகிய மொழிகளில் பல பாடல்கள் பாடியுள்ளார்.

அவர் பத்ம ஸ்ரீ, பத்ம விபூஷன் மற்றும் தாதா சாகேப் பால்கே விருதுகளை பெற்றுள்ளார். 94 வயதான அவருக்கு சிறுநீரகங்கள் செயல் இழந்துவிட்டன. மேலும் மூச்சு விடவும் கஷ்டப்பட்டார். இதையடுத்து அவர் கடந்த சில மாதங்களாக மருத்துவமனையும், வீடுமாக இருந்தார். இந்நிலையில் கடந்த செப்டம்பர் மாதம் முதல் அவருக்கு டயாலிசிஸ் செய்யப்பட்டது.

பெங்களூரில் உள்ள மருத்துவமனையில் சிகிச்சை பெற்று வந்த அவர் சிகிச்சை பலனின்றி இன்று காலை மரணம் அடைந்தார். அவரது மறைவுக்கு திரையுலகினர் இரங்கல் தெரிவித்துள்ளனர்.

English summary

Legendary playback singer Manna Dey died in a Bangalore hospital today. He was 94.