மீண்டும் புது "மாப்பிள்ளையான" அத்வானி – 50 ஆம் ஆண்டு திருமண விழா.. தலைவர்கள் வாழ்த்து!
டெல்லி: டெல்லியில் பா.ஜ.க மூத்த தலைவர் எல்.கே. அத்வானி தனது திருமண நாளின் 50 ஆவது ஆண்டு விழாவை கொண்டாடினார்.
முன்னாள் துணை பிரதமரும், மத்திய அமைச்சருமான அத்வானி மீண்டும் மணமகனாக மாறி தனது மனைவி கமலாவின் கழுத்தில் சம்பிரதாயப்படி மாலை அணிவித்து குடும்பத்தாரையும், பா.ஜ.க தொண்டர்களையும் மகிழ்ச்சியில் ஆழ்த்தினார்.
துணை குடியரசுத்தலைவர் ஹமித் அன்சாரி, பிரதமர் நரேந்திர மோடி, மத்திய அமைச்சர்கள், டெல்லி, உத்தர பிரதேசம், ராஜஸ்தான், நாகலாந்து மாநில கவர்னர்கள், சில மாநிலங்களின் முதல்வர்கள் கலந்து கொண்டனர்.
மேலும், முன்னாள் மத்திய-மாநில அமைச்சர்கள், பா.ஜ.க மேலிட தலைவர்கள் மற்றும் தொண்டர்கள், திரையுலக பிரபலங்கள் ஆகியோர் இவ்விழாவுக்கு நேரில் வந்து அத்வானி-கமலா தம்பதியருக்கு வாழ்த்து தெரிவித்தனர்.
பாஜகவின் மூத்த தலைவரான அத்வானி தற்போது தீவிர அரசியலிலிருந்து ஒதுங்கியிருந்து வருகிறார் என்பது குறிப்பிடத்தக்கது.
Click it and Unblock the Notifications
Sign in with Google