ஆந்திராவில் ஜெகன் அண்ணாவுக்கு கடும் அதிர்ச்சி.. 25 இடங்களில் 10 சீட்தான் கிடைக்கும்.. India TV சர்வே

அமராவதி: லோக்சபா தேர்தலில் ஆந்திராவில் ஆளும் ஒய்.எஸ்.ஆர். காங்கிரஸ் கட்சிக்கு மொத்தம் உள்ள 25 இடங்களில் 10 தொகுதிகள்தான் கிடைக்கும் என்கிற India TV-CNX கருத்து கணிப்பு பெரும் அதிர்வலைகளை ஏற்படுத்தி உள்ளது.

லோக்சபா தேர்தலுடன் ஆந்திரா மாநில சட்டசபை தேர்தலும் நடைபெறுகிறது. ஆந்திராவில் முதல்வர் ஜெகன் மோகன் ரெட்டியின் ஒய்.எஸ்.ஆர். காங்கிரஸ் தனித்தே களம் காண்கிறது. ஜெகன் மோகன் ரெட்டிக்கு எதிராக சந்திரபாபு நாயுடுவின் தெலுங்குதேசம், பவன் கல்யாணின் ஜனசேனா, பாஜக ஆகியவை கை கோர்த்து மோதுகின்றன.

ஆந்திராவிலும் தமிழ்நாட்டுக்கு தேர்தல் நடைபெறும் ஏப்ரல் 19-ந் தேதி ஒரே கட்டமாக தேர்தல் நடைபெற உள்ளது.

லோக்சபா தேர்தல்கள் தொடர்பான இதுவரையிலான கருத்து கணிப்புகளில் ஆந்திராவில் ஆளும் ஒய்.எஸ்.ஆர். காங்கிரஸ் கட்சிதான் அதிக இடங்களைக் கைப்பற்றும் என தெரிவிக்கப்பட்டு வந்தது. ஆனால் அண்மைய கருத்து கணிப்புகள் இந்த முடிவுகளை மாற்றிக் கொண்டே வருகின்றன.

News18 தொலைக்காட்சி கடந்த மாதம் வெளியிட்ட ஆந்திரா தொடர்பான தேர்தல் கருத்து கணிப்பில் மொத்தம் உள்ள 25 இடங்களில் 18 இடங்களை பாஜக கூட்டணி கைப்பற்றும்; ஆளும் ஒய்.எஸ்.ஆர். காங்கிரஸ் கட்சிக்கு 7 தொகுதிகள்தான் கிடைக்கும் என தெரிவித்திருந்தது.

தற்போது India TV-CNX வெளியிட்டுள்ள கருத்து கணிப்பு முடிவுகள் ஆந்திராவில் மட்டுமல்ல தேசிய அளவிலும் அதிர்வலைகளை ஏற்படுத்தி உள்ளது. இந்த கருத்து கணிப்பும் முதல்வர் ஜெகன் மோகன் ரெட்டியின் ஒய்.எஸ்.ஆர். காங்கிரஸ் கட்சிக்கு பின்னடைவுதான் என்கிறது.

லோக்சபா தேர்தலில் ஆந்திரா மாநில தேர்தல் முடிவுகள் எப்படி இருக்கும் என்பது குறித்த India TV-CNX கருத்து கணிப்பு:

மொத்தம் 22 இடங்கள்

தெலுங்குதேசம் -12

ஒய்.எஸ்.ஆர். காங்கிரஸ்- 10

பாஜக -3

2019-ம் ஆண்டு லோக்சபா தேர்தலில் ஆந்திராவில் முதல்வர் ஜெகன் மோகன் ரெட்டியின் ஒய்.எஸ்.ஆர். காங்கிரஸ் கட்சி 22 இடங்களை அள்ளியது. தெலுங்கு தேசம் கட்சிக்கு வெறும் 3 இடங்கள்தான் கிடைத்தது. அதற்கு முந்தைய 2014-ம் ஆண்டு தேர்தலில் ஒருங்கிணைந்த ஆந்திராவில் மொத்தம் 42 தொகுதிகள் இருந்தன. அதில் தெலுங்குதேசம் கட்சி 16; தற்போதைய தெலுங்கானா பிஆர் எஸ் கட்சி 11, ஜெகன் கட்சி 9 இடங்களைப் பெற்றன. அத்தேர்தலில் பாஜகவுக்கு 3 , காங்கிரஸ் கட்சிக்கு 2 தொகுதிகள் கிடைத்தன என்பது குறிப்பிடத்தக்கது.

English summary

According to the India TV Predicts, Andhra Chief Minister Jagan Mohan Reddy's YSRCP may face setback in Lok Sabha Election.