லோக்சபா தேர்தல்: ராஜஸ்தானில் 25 தொகுதிகளிலும் கெஜ்ரிவால் கட்சி போட்டி

ஜெய்பூர்: வரும் நாடாளுமன்ற தேர்தலில் ராஜஸ்தான் மாநிலத்தில் உள்ள 25 தொகுதிகளிலும் ஆம் ஆத்மி கட்சி போட்டியிடுகிறது.

நாடாளுமன்ற தேர்தலில் அரவிந்த் கெஜ்ரிவாலின் ஆம் ஆத்மி கட்சி ராஜஸ்தான் மாநிலத்தில் உள்ள 25 தொகுதிகளிலும் போட்டியிடலாம் என்று அக்கட்சயின் மாநில செயலாளர் ராகேஷ் பாரீக் செய்தியாளர்களிடம் தெரிவித்தார்.

இது குறித்து அவர் மேலும் கூறுகையில்,

நாடாளுமன்ற தேர்தலில் போட்டியிட விருப்பம் தெரிவித்து இதுவரை 2000 பேர் விண்ணப்பங்கள் அளித்துள்ளனர். இந்த விண்ணப்பங்கள் அரசியல் விவகாரக் குழுவிற்கு அனுப்பி வைக்கப்படும். அந்த குழு சரியான வேட்பாளரை தேர்வு செய்யாவிட்டால் அந்த தொகுதியில் எங்கள் கட்சி போட்டியிடாது. ராஜஸ்தான் மாநிலத்தில் உள்ள 33 மாவட்டங்களில் 27 மாவட்டங்களில் இதுவரை 1.35 லட்சம் பேர் ஆம் ஆத்மி கட்சியில் சேர்ந்துள்ளனர் என்றார்.

English summary

Aam Admi party is likely to contest in all the 25 seats in Rajasthan in the forthcoming Lok Sabha polls.