அந்தநாள் ஞாபகம் வந்ததே நண்பனே... டிவிட்டரில் ‘தாதா’வுக்கு ஹேப்பி பர்த்டே சொன்ன சச்சின்!

மும்பை: தங்களது மிகப் பழைய அரிய புகைப்படத்தை தனது சமூக வலைதளப் பக்கத்தில் வெளியிட்டு, இந்திய கிரிக்கெட் அணியின் முன்னாள் கேப்டன் கங்குலிக்கு தனது பிறந்தநாள் வாழ்த்துக்களைத் தெரிவித்துள்ளார் சச்சின் டெண்டுல்கர்.

ஒரு தலைவன் எப்படி இருக்க வேண்டும் என உதாரணமாக இருந்து இந்திய அணிக்கு வழிகாட்டியவர் கங்குலி. இந்திய அணியின் முன்னேற்றத்திற்காக உழைத்த கங்குலியை தாதா என்றே செல்லமாக அனைவரும் அழைக்கின்றனர்.

நேற்று தனது 43வது பிறந்தநாளைக் கொண்டாடினார் சவுரவ் கங்குலி. அவருக்கு ரசிகர்கள் மற்றும் பிரபலங்கள் தங்களது வாழ்த்துக்களைத் தெரிவித்தனர்.

#HappyBirthdayDada @SGanguly99, stay young as always!!! pic.twitter.com/msoUd3IN9Q

— sachin tendulkar (@sachin_rt) July 8, 2015

இந்நிலையில், தனது நண்பர் கங்குலிக்கு பிறந்தநாள் வாழ்த்துக் கூறும் விதமாக பழைய அரிய புகைப்படம் ஒன்றைத் தனது டிவிட்டர் பக்கத்தில் வெளியிட்டுள்ளார் சச்சின். அதில், ‘ஹேப்பி பர்த்டே கங்குலி. என்றும் இளமையாக வாழ வாழ்த்துக்கள்' என அவர் தெரிவித்துள்ளார்.

கடந்த 1997ம் ஆண்டும் ஜனவரி மாதம் நடந்த போட்டியில் இந்திய அணிக்கு இருவரும் ஒன்றாக சேர்ந்து களமிறங்கினர். அதனைத் தொடர்ந்து இருவரும் ஆரம்ப ஆட்டக்காரர்களாக சேர்ந்து விளையாடி பல சாதனைகளை உருவாக்கியுள்ளனர் என்பது குறிப்பிடத்தக்கது.

English summary

Sachin Tendulkar, Sourav Ganguly’s opening partner for years, shared a very old picture of the duo on the occasion of ‘Dada’s’ 43rd birthday.