ஹனுமாருக்கே அடையாள அட்டை வழங்கிய ஆதார் ஆணையம்! டெலிவரிதான் செய்ய முடியவில்லை
பெங்களூர்: ஒருவழியாக கடவுளான ஹனுமார் ஆதார் அடையாள அட்டை பெற்றுவிட்டார். ஆனால் தபால்காரரால்தான் அவரை தேடி கண்டுபிடித்து ஆதார் அட்டையை கையில் சேர்க்க முடியவில்லை.
ராஜஸ்தான் மாநிலம் சிகர் அருகேயுள்ள தன்டர்ம்கர் தபால் நிலையத்திற்கு பெங்களூர் ஆதார் ஆணைய அலுவலகத்தில் இருந்து ஒரு கடிதம் வந்தது. அந்த கடிதத்திற்குள் ஆதார் அட்டை வைக்கப்பட்டிருந்தது. ஆதார் அட்டையில் ஹனுமார் என்று கூறிப்பிட்டு தந்தை பெயர் பவான் என்றும் தெரிவிக்கப்பட்டிருந்தது. அதைவிட முக்கியமாக ஆதார் அட்டையில் இந்து கடவுளான ஹனுமாரின் படம் பொறிக்கப்பட்டிருந்தது.
ஆதார் எண்-2094705195411 என்றும் தெரிவிக்கப்பட்டிருந்தது. இதனிடையே தபால்காரர் எவ்வளவுதான் தேடியும் குறிப்பிட்ட முகவரியில் அப்படி யாரும் இல்லை. அதில் குறிப்பிட்ட செல்போன் எண் சுவிட்ச் ஆப் செய்யப்பட்டிருந்தது.
இதையடுத்து பெங்களூருக்கே அந்த கடிதம் திருப்பியனுப்பப்பட்டுள்ளது. இலங்கை காடுகளில் ஹனுமார் நடமாடுவதை பார்த்ததாக அந்த நாட்டின் பழங்குடியினத்தவர்கள் சமீபத்தில் தெரிவித்திருந்த நிலையில், ஹனுமார் பெயரில் ஆதார் அட்டை வந்துள்ளது பரபரப்பை ஏற்படுத்தியுள்ளது.
Click it and Unblock the Notifications
Sign in with Google