பெண்ணின் பின்னால் தட்டிய ம.பி. உள்துறை அமைச்சர்: தீயாக பரவிய வீடியோ
போபால்: மத்திய பிரதேச மாநில உள்துறை அமைச்சர் பாபுலால் கவுர் பெண் ஒருவரின் பின்னால் தட்டியது பெரும் சர்ச்சையாகியுள்ளது.
மத்திய பிரதேச மாநில உள்துறை அமைச்சராக இருப்பவர் பாஜகவை சேர்ந்த பாபுலால் கவுர்(85). போபால் நகரில் உள்ள பார்கேடா நாது பகுதியில் அரசியல் கட்சியினர் வரிசையாக பேருந்தில் ஏறுகையில் அங்கு நின்று கொண்டிருந்தார் கவுர்.
அப்போது பேருந்தில் ஏற வந்த பெண்ணின் பின்புறத்தில் அவர் தட்டினார். இந்த சம்பவத்தின்போது எடுக்கப்பட்ட வீடியோ உள்ளூர் தொலைக்காட்சி சேனல்களில் வெளியாகி பெரும் பரபரப்பை ஏற்படுத்தியுள்ளது.
இந்நிலையில் இது குறித்து கவுர் கூறுகையில்,
அந்த வீடியோவில் உண்மை இல்லை. பேருந்தில் விரைவாக ஏறுமாறு தான் பெண்களை கூறினேன். அந்த வீடியோவில் உண்மை இல்லை. நான் கூறுவது தான் உண்மை என்று தெரிவித்துள்ளார்.
கவுரின் விளக்கத்தை ஏற்க தயாராக இல்லை என காங்கிரஸ் மற்றும் ஆம் ஆத்மி ஆகிய கட்சிகள் தெரிவித்துள்ளன.
இது குறித்து ஆம் ஆத்மி கட்சியின் செய்தித் தொடர்பாளர் நேஹா பாகா கூறுகையில்,
மத்திய பிரதேசத்தில் பெண்களுக்கு பாதுகாப்பை எதிர்பார்க்க முடியுமா? பாபுலால் கவுர் தனது பதவியை ராஜினாமா செய்ய வேண்டும். இந்த விவகாரம் குறித்து முதல்வர் விசாரணை நடத்த வேண்டும் என்றார்.
Click it and Unblock the Notifications
Sign in with Google