மத்திய பிரதேசம்: செக்ஸ் டார்ச்சர் கொடுத்த இசை ஆசிரியர்... தர்ம அடி கொடுத்த மாணவிகள்
போபால்: மத்திய பிரதேசத்தில் பாலியல் தொல்லை கொடுத்த இசை ஆசிரியருக்கு மாணவிகள் தர்ம அடி கொடுத்த சம்பவம் பரபரப்பை ஏற்படுத்தியுள்ளது. இந்த வீடியோ காட்சிகள் தற்போது வெளியாகியுள்ளன.
மத்தியப் பிரதேச மாநிலம், மண்ட்சார் பகுதியில் பாட்டு வாத்தியாராக இருப்பவர் நிரஞ்சன் பட்நாகர். இவர் அப்பகுதியில் உள்ள சில பள்ளிச் சிறுமிகள், இளம் பெண்களுக்கு பாட்டு சொல்லிக் கொடுத்து வந்தார்.
இந்நிலையில், அவர் மாணவிகளிடம் தரக்குறைவாக நடந்து கொள்வதாகவும், ஆபாசமாக பேசுவதாகவும் புகார் எழுந்தது. இதையடுத்து, நிரஞ்சன் பட்நாகர் பாட்டுச் சொல்லித் தரும் இடத்திற்கு அருகே மறைந்திருந்த மாணவிகளின் உறவினர்கள் சிலர் அவரது நடவடிக்கைகளை நோட்டமிட்டனர்.
இதனை அறியாத பட்நாகர், வழக்கம் போல் மாணவிகளிடம் தரக்குறைவாகப் பேசியதாக தெரிகிறது. இதையடுத்து, நிரஞ்சன் பட்நாகரை அறையில் இருந்து வெளியே இழுத்து வந்த மாணவிகளின் உறவினர்கள், அவரை சரமாரியாக தாக்கினர்.
மாணவிகள் தங்களது நண்பர்களுடன் இணைந்து ஆசிரியர் நிரஞ்சன் பட்னாகரை தெருவுக்கு இழுத்து வந்து ஆடையை கிழித்து சரமாரியாக தாக்கினர். உள்ளாடையுடன் இருந்த இசை ஆசிரியர் துண்டை எடுத்து கட்டிக்கொண்டு அறைக்குள் நுழைய முயன்ற போது அவரை பிடித்து கீழே தள்ளி விட்டு விடாமல் மாணவிகள் அடித்து துவம்சம் செய்தனர்.
ஆசிரியரை வெகு நேரம் மாணவிகள் நன்கு நையப்புடைத்த பின்னரே சம்பவ இடத்திற்கு போலீஸார் வந்தனர். அங்கிருந்து அவரை மீட்ட போலீசார் சம்பவம் தொடர்பாக விசாரணை மேற்கொண்டு வருகின்றனர்.
Click it and Unblock the Notifications
Sign in with Google