"ஓவர்" உப்பு..... மேகி நூடுல்ஸுக்கு வருகிறது தடை?
டெல்லி: வீட்டுக்கு வீடு குட்டீஸ்கள் அதிகம் விரும்பி அப்படியே சாப்பிடும் மேகி நூடூல்ஸுக்குத் தடை விதிக்க மத்திய அரசு முடிவெடுக்கும் என்று தகவல்கள் தெரிவிக்கின்றன.
குழந்தைகளுக்குப் பிடித்த இன்ஸ்டன்ட் உணவு நூடுல்ஸ்தான். மாலையில் ஸ்கூல் விட்டுத் திரும்பும் பள்ளிப் பிள்ளைகள் முதல் கல்லூரி மாணவ மாணவியர் வரை அதிகம் சாப்பிடுவது இதைத்தான். ஆனால் அதில் ஒரு சிக்கல் வந்துள்ளதாம்.
இந்த நூடூல்ஸில், கற்றல், நடத்தையில் பாதிப்பை உருவாக்கும் எம்.எஸ்.ஜி. என்ற மோனோசோடியம் குளுட்டோமேட் அனுமதிக்கப்பட்ட அளவை விட அதிகம் இருப்பதாக ஆய்வுத் தகவல்கள் தெரிவிக்கின்றன. உ.பியில் நடந்த ஆய்வில் இந்தத் தகவல் தெரிய வந்துள்ளது.
இது ஒரு உப்பு ஆகும். உணவின் ருசியை அதிகரிக்க சேர்க்கிரார்கள். ஆனால் இதன் அளவு மிக மிக அதிகமாக நூடூல்ஸில் இருக்கிறதாம். அனுமதிக்கப்பட்ட அளவு என்பது 0.01 பிபிஎம்தான். ஆனால் மேகி நூடூல்ஸில் இது 17 பிபிஎம் ஆக உள்ளதாம்.
இதன் காரணமாக கற்கும் திறன், நடத்தை உள்ளிட்டவற்றில் பாதிப்பு ஏற்பட்டு மந்த கதியாக்கி விடும் என்று ஆய்வாளர்கள் கூறுகின்றனர். எனவே இந்த நூடூல்ஸுக்கு தடை வரலாம் என்று எதிர்பார்க்கப்படுகிறது.
பிரபல நெஸ்லே நிறுவனம்தான் இந்த மேகி நூடூல்ஸை தயாரிக்கிறது என்பது குறிப்பிடத்தக்கது.
Click it and Unblock the Notifications
Sign in with Google