Maharashtra & Haryana Election Exit Poll Results 2019 LIVE:வெளியானது பரபரப்பு எக்ஸிட் போல் முடிவுகள்

Updated: Monday, October 21, 2019, 18:39 [IST]

Subscribe to Oneindia Tamil

டெல்லி: பெரிதும் எதிர்பார்க்கப்பட்ட, மகாராஷ்டிரா மற்றும் ஹரியானா சட்டசபை தேர்தல்கள் இன்று முடிவடைந்துள்ளன. இதையடுத்து, மாலை 6.30 மணிக்கு மேல் தேர்தலுக்கு பிந்தைய கருத்துக் கணிப்பு எனப்படும் எக்ஸிட் போல் முடிவுகள் வெளியாக உள்ளது.

மகாராஷ்டிரா சட்டசபையின் மொத்தமுள்ள 288 தொகுதிகளுக்கு இன்று ஒரேகட்டமாக பொதுத் தேர்தல் நடைபெற்றது. ஹரியானாவில் மொத்தமுள்ள 90 சட்டசபை தொகுதிகளுக்கும் இன்று தேர்தல் நடைபெற்றது.

மகாராஷ்டிராவில், பாஜக, சிவசேனா மற்றும் காங்கிரஸ், தேசியவாத காங்கிரஸ் கட்சிகள் கூட்டணி அமைத்துள்ளன. ஹரியானாவில் பாஜக, காங்கிரஸ், ஆம் ஆத்மி என மும்முனை போட்டி நிலவுகிறது. இரு மாநில தேர்தலில் யார் வெற்றி பெறுவார் என்ற எதிர்பார்ப்பு நிலவி வரும் நிலையில், பல்வேறு முன்னணி டிவி சேனல்களும், ஏஜென்சிகளுடன் இணைந்து தேர்தலுக்கு பிந்தைய கருத்துக் கணிப்புகளை நடத்தியுள்ளன.

அதுகுறித்த உடனுக்குடனான தகவலுக்கு இந்த பக்கத்தில் இணைந்திருக்கவும்.

Oct 21, 2019, 6:43 pm IST

மகாராஷ்டிராவில் பாஜக கூட்டணி 234 தொகுதிகளை அள்ளும். காங்கிரஸ் கூட்டணிக்கு 44 தொகுதிகளும், பிறருக்கு 10 தொகுதிகளும் மட்டும் கிடைக்கும்- டைம்ஸ் நவ்.

Oct 21, 2019, 6:40 pm IST

News18 - IPSOS எக்ஸிட் போல் முடிவுகள்: மகாராஷ்டிராவில் பாஜக கூட்டணி 243 தொகுதிகளை வெல்லும். பாஜக கூட்டணிக்கு அமோக வெற்றி காத்திருப்பதாக எக்ஸிட் போல் முடிவு. காங்கிரஸ் கூட்டணிக்கு 41 தொகுதிகள் மட்டுமே. பிறர் 4 தொகுதிகளை வெல்ல வாய்ப்பு.

Oct 21, 2019, 6:38 pm IST

டிவி 9, மகாராஷ்டிரா எக்ஸிட் போல்: 197 தொகுதிகளை பாஜக கூட்டணி கைப்பற்றும். காங்கிரஸ் கூட்டணி 75 தொகுதிகளை வெல்லும். பிறர் 16 தொகுதிகளை வெல்லும் வாய்ப்பு- எக்ஸிட் போல்.

Oct 21, 2019, 6:33 pm IST

மகாராஷ்டிராவில் 109 முதல் 125 தொகுதிகளை பாஜக வெல்லும்- இந்தியா டுடே எக்ஸிட் போல். பாஜக கூட்டணியில் உள்ள சிவசேனா 57-70 தொகுதிகளை வெல்லும். காங்கிரஸ் 32-40 தொகுதிகள் வெல்லும். தேசியவாத காங்கிரஸ் கட்சி 40-50 தொகுதிகளை கைப்பற்றும்.

Oct 21, 2019, 5:16 pm IST