Breaking News: மலேசியாவின் 7-வது பிரதமராக மகாதீர் முகமது பதவியேற்றார்!

கோலாலம்பூர்: மலேசியாவின் 7-வது பிரதமராக பக்கட்டான் ஹரப்பான் தலைவர் மகாதீர் முகமது இன்று இரவு பதவியேற்றார்.

மலேசியாவின் 14வது பொதுத்தேர்தலில் பக்கட்டான் ஹரப்பான் கூட்டணி அமோக வெற்றி பெற்றது. ஆட்சியில் இருந்த தேசிய முன்னணி தோல்வியைத் தழுவியுள்ளது.

இதையடுத்து ஹரப்பான் கூட்டணி தலைவரான 92-வயதாகும் மகாதீர் முகமதுவை ஆட்சி அமைக்க மன்னர் சுல்தான் முகம்மது அழைப்பு விடுத்தார். இந்த அழைப்பைத் தொடர்ந்து மன்னரின் அரண்மனைக்கு மகாதீர் முகமது சென்றார்.

மலேசிய நேரப்படி இன்று இரவு 9.30 மணியளவில் மகாதீர் முகமது அந்நாட்டு பிரதமராக பதவியேற்றார். அவருக்கு மன்னர் சுல்தான் முகம்மது பதவி பிரமாணம் செய்து வைத்தார். உலகின் மிகவும் வயதான பிரதமர் என்கிற பெருமையையும் பெறுகிறார் மகாதீர் முகமது.

முன்னதாக மகாதீர் முகமதுவை பதவியேற்க அழைப்பதில் அந்நாட்டு மன்னர் காலதாமதம் செய்வதாக சர்ச்சை எழுந்தது. ஆனால் மன்னரின் அரண்மனை இதை திட்டவட்டமாக மறுத்து மகாதீர் முகமதுவுக்கு பதவி பிரமாணம் செய்து வைத்தது.

English summary

Mahathir Mohamad has been sworn in as Malaysia's seventh Prime Minister.