வேலை தேடும் இளைஞர்களுக்கு மாதாந்திர உதவித்தொகையாக ரூ1500: மம்தா அறிவிப்பு

கொல்கத்தா: வேலை தேடும் இளைஞர்களுக்கு மாதாந்திர உதவித் தொகையாக ரு 1500 வழங்க இருப்பதாக மேற்கு வங்க அரசு அறிவித்துள்ளது.

ஒரு கோடி இளைஞர்கள் வேலைவாய்ப்பு வேண்டி காத்திருப்பதாகவும், எனவே அவர்களது அத்தியாவசியத் தேவைகளுக்கு மற்றவர்களின் கைகளை எதிர்பார்த்துக் கொண்டிருக்காமல் இருக்க இவ்வாறு மாதம் ரூ1500 வழங்கும் திட்டம் செயல்படுத்த இருப்பதாகவும் அவர் தெரிவித்துள்ளார்.

இது குறித்து, யுவஸ்ரீ திட்ட துவக்க விழாவில் கலந்து கொண்ட மேற்கு வங்க முதலமைச்சர் மம்தா பானர்ஜி கூறியதாவது, ‘ மேற்கு வங்காள மாநிலத்தின் மொத்த மக்கள் தொகை 8 கோடி பேர். இதில் ஒரு கோடி இளைஞர்கள் வேலை தேடி வருகின்றனர். இவர்களுக்கு மாத செலவுக்காக ரூ.1,500 வழங்க முடிவு செய்யப்பட்டது. 'யுவஸ்ரீ' என்ற பெயரில் முதல் கட்டமாக ஒரு லட்சம் பேருக்கு இந்த திட்டம் அமல்படுத்தப்படும்' எனத் தெரிவித்துள்ளார்.

English summary

The West Bengal government on Thursday launched a scheme under which a monthly dole of Rs. 1,500 will be provided to the unemployed youth in the state.