வெள்ளை சேலை.. குளிருக்கு ஒரு சால்வை.. பறந்து பறந்து பந்தாடிய மம்தா பானர்ஜி!
வைரலாகி வரும் மம்தா பானர்ஜி பாட்மின்டன் விளையாடும் வீடியோ
Recommended Video
கொல்கத்தா: சும்மா பறந்து பறந்து பந்தாடி வருகிறார் மம்தா பானர்ஜி.. பாஜகவை அல்ல.. பாட்மிண்டன் விளையாட்டைதான்!!
நாட்டில் இருக்கிற ஒரே பெண் முதலமைச்சர் இப்போதைக்கு மம்தா பானர்ஜிதான். இவருக்கு அரசியலை தவிர, அதிக அளவு கலை ஆர்வம் உடையவர். நல்ல கவிதைகள் எழுதுவார். அழகாக ஓவியம் வரைவார்.
சமீபத்தில் ஜெர்மனியில் மிக்கி மவுஸ் வேடமிட்ட ஒருவர் கையில் அக்கார்டியன் என்ற இசைக்கருவியை வைத்திருந்தார்.
வைரலான மியூசிக்
அதை பார்த்த மம்தா, அந்த இசைக்கருவியை வாங்கி, திடீரென தேசபக்தி பாடலை வாசிக்க ஆரம்பித்துவிட்டார். இந்த வீடியோ ரொம்ப வைரலாக போனது. இசையை போலவே விளையாட்டிலும் ரொம்ப பிரியம் உள்ளவர் மம்தா. குறிப்பாக பேட்மின்டன் என்றால் இவருக்கு உயிர். இப்போதுகூட பேட்மின்டன் விளையாடி அதனை வீடியோவாக வெளியிட்டுள்ளார்.
மாநில முதல்வர்
எப்போதுமே பொதுவாழ்க்கையில் ஈடுபடுபவர்கள் தங்களின் சுய விருப்புகளில் அதிக அளவு ஆர்வம் காட்ட மாட்டார்கள். அதற்கு அவர்களுக்கு நேரமும் இருக்காது. ஆனால் ஒரு மாநிலத்தின் முதல்வராக இருந்து கொண்டு மம்தா பானர்ஜி பேட்மின்டன் விளையாடுவது ஆச்சரியமாக உள்ளது.
நேரம் ஒதுக்கினார்
பிர்பும் மாவட்டத்தில் ஒரு விளையாட்டு திருவிழா நடந்துள்ளது. அதில்தான் மம்தா பானர்ஜி கலந்து கொண்டு அதிகாரிகளுடன் பேட்மின்டன் விளையாடி இருக்கிறார். இதற்காகவே தனது பிஸி வேலைகளிலும் நேரத்தை ஒதுக்கி இருக்கிறார்.
|
கிராம திருவிழா
அது இரவு நேரம் போல தெரிகிறது... வழக்கமான வெள்ளை சேலைக்கு மேலே குளிருக்கு ஒரு சால்வையை போர்த்தி கொண்டு எதிர்வரும் பாட்மின்டன் பந்தை துள்ளி துள்ளி அடித்து விளையாடுகிறார். இந்த வீடியோவை தனது ட்விட்டர் பக்கத்தில் வெளியிட்டு, "எங்களுக்கு விளையாட்டு பிடிக்கும். கிராம விளையாட்டுத் திருவிழாவில் ஒரு சின்ன அடையாளம்" என்றும் பதிவிட்டிருக்கிறார்.
Click it and Unblock the Notifications
Sign in with Google