பேஸ்புக்கில் மம்தா பானர்ஜி... ஒரு வருடத்தில் 5 லட்சத்தை தாண்டிய ‘லைக்குகள்’

Published: Sunday, December 22, 2013, 14:37 [IST]

Subscribe to Oneindia Tamil

கொல்கத்தா: மேற்கு வங்காள முதல்வர் மம்தா பானர்ஜியின் பேஸ்புக் பக்கத்திற்கு சுமார் 5 லட்சம் லைக்குகள் கிடைத்துள்ளதாம்.

உலகில் உள்ள சினிமா மற்றும் தொழிற்துறை பிரபலங்கள் அனைவரும் 'டுவிட்டர்', 'ஃபேஸ்புக்' போன்ற சமூக வலைத்தளங்களில் கணக்கு துவங்கி அந்த பக்கங்களின் வாயிலாக தங்களது கருத்துக்களை பொது மக்களிடம் பதிவு செய்து வருகின்றனர்.

அரசியல் பிரமுகர்களும் தற்போது இந்த லிஸ்டில் சேர்ந்து விட்டனர். அவர்களும் பேஸ்புக், டுவிட்டர் போன்ற சமூக வலைதளங்கள் மூலமாக தங்களது ஆதரவாளார்களுடன் நேரடியாக தொடர்பு கொண்டு வருகின்றனர்.

பேஸ்புக்...

அந்தவகையில், மேற்கு வங்காள முதல்வர் மம்தா பானர்ஜியும் 'ஃபேஸ்புக்' வலைத்தளத்தின் மூலமாக மக்களுடன் தொடர்பு கொண்டு வருகிறார்.

திட்டங்கள்...

தனது பேஸ்புக் பக்கத்தின் வாயிலாக தனது தலைமையிலான மாநில அரசின் வளர்ச்சி திட்டம், கட்சியின் கொள்கை ஆகியவற்றை பகிர்ந்துக் கொள்கிறார் மம்தா.

காரசார பதிலடி...

மேலும், அவ்வப்போது மத்திய அரசு மற்றும் தனது அரசியல் எதிரிகள் உள்ளிட்டோருக்கு அவ்வப்போது காரசாரமான பதிலலடிகளையும் பதிவு செய்து வருகிறார் மம்தா.

புகைப்படங்கள்....

இதுதவிர, அவர் பங்கேற்கும் நிகழ்ச்சிகளின் புகைப்படங்களையும் தனது 'ஃபேஸ்புக்' பக்கத்தில் பதிவேற்றம் செய்கிறார்.

குவியும் லைக்குகள்....

இந்நிலையில், மம்தா பேஸ்புக்'கில் கணக்கு தொடங்கி ஓராண்டு நிறைவடைந்த நிலையில், அவரது பானனர்ஜியின் பக்கத்துக்கு இதுவரை 5 லட்சத்துக்கும் மேற்பட்ட 'லைக்' குவிந்துள்ளதாம்.

Published On December 22, 2013