ராஜ்யசபா தேர்தல்.. நடிகர் மிதுன் சக்கரவர்த்தியை வேட்பாளராக அறிவித்தார் மமதா பானர்ஜி

கொல்கத்தா: ராஜ்யசபா தேர்தலில் திரிணாமுல் காங்கிரஸ் வேட்பாளராக பிரபல பாலிவுட் நடிகர் மிதுன் சக்கரவர்த்தி நிறுத்தப்படுவார் என்று மேற்கு வங்க முதல்வரும் திரிணாமுல் தலைவருமான மமதா பானர்ஜி அறிவித்துள்ளார்.

மேற்கு வங்க மாநிலத்தில் பிப்ரவரி 7-ந் தேதி 5 ராஜ்யசபா எம்.பி இடங்களுக்கான தேர்தல் நடைபெற உள்ளது. இத்தேர்தலில் தமது கட்சியின் சார்பில் நடிகர் மிதுன் சக்கரவர்த்தி வேட்பாளராக நிறுத்தப்படுவார் என்று ஃபேஸ்புக் பக்கத்தில் மமதா பானர்ஜி தெரிவித்துள்ளார்.

"மிதுன் சக்கரவர்த்தி மேற்கு வங்க மாநிலத்துக்கு மட்டுமல்ல.. ஒட்டுமொத்த நாட்டுக்கே பெரும் சொத்து. அவரை வேட்பாளராக அறிவிப்பதில் நாங்கள் பெருமை கொள்கிறோம்" என்றும் அந்த ஃபேஸ்புக் பக்கத்தில் மமதா குறிப்பிட்டுள்ளார்.

திரிணாமுல் காங்கிரஸின் இதர ராஜ்யசபா வேட்பாளர்கள் இன்னமும் அறிவிக்கப்படவில்லை.

English summary

West Bengal Chief Minister Mamata Banerjee on Saturday announced the nomination of veteran Bollywood actor Mithun Chakraborty as her party Trinamool Congress candidate for the upcoming Rajya Sabha election in the state.