முன்னணி நடிகையை போட்டியாக கருதும் மாம்பழ வியாபாரி: யார் அந்த நடிகைனு தெரியுமா?
மும்பை: மும்பையை சேர்ந்த மாம்பழ வியாபாரி தனக்கு வியாபாரத்தில் போட்டி பாலிவுட் நடிகை கத்ரீனா கைஃப் என்று தெரிவித்துள்ளார்.
மகாராஷ்டிரா மாநிலம் மும்பையை சேர்ந்த வயதான மாம்பழ வியாபாரி குறித்து தி ஹ்யூமன்ஸ் ஆப் பாம்பே தனது ஃபேஸ்புக் பக்கத்தில் வெளியிட்டுள்ள தகவல் பலரின் கவனத்தை ஈர்த்துள்ளது.
காரணம் அந்த வியாபாரி தனக்கு போட்டியாக நினைப்பது சக வியாபாரியை அல்ல பாலிவுட் நடிகை கத்ரீனா கைஃபை. கத்ரீனாவா, அவர் எப்பொழுது மாம்பழ வியாபாரியானார் என்று நீங்கள் நினைக்கலாம்.
கத்ரீனா ஸ்லைஸ் மாம்பழச் சாறு விளம்பரத்தில் வருகிறார் அல்லவா. அவர் அந்த விளம்பரத்தில் அருமையாக நடித்து அதிக அளவில் மாம்பழத்தை விற்பனை செய்ய உதவுவதாக அந்த வியாபாரி கருதுகிறார்.
இது குறித்து அந்த வியாபாரி கூறியதாக ஃபேஸ்புக்கில் கூறப்பட்டிருப்பதாவது,
இன்றைய உலகில் போட்டி அதிகம். நாங்கள் தலைமுறை தலைமுறையாக மாம்பழ வியாபாரம் செய்து வருகிறோம். திடீர் என்று ஒரு நாள் பார்த்தால் திரைப்படத் துறையை சேர்ந்த முன்னணி நடிகை நமக்கு போட்டி என்று தெரிய வந்தது என்று அதில் தெரிவிக்கப்பட்டுள்ளது.