வட கிழக்கில் "மையம் கொள்ளும்" ராகுல்.. மணிப்பூரில் சூறாவளி சுற்றுப் பயணம்.. மார்ச் 1ல் தொடக்கம்
இம்பால்: மணிப்பூர் மாநில 2ம் கட்ட சட்டசபை தேர்தலையொட்டி மார்ச் 1 முதல் காங்கிரஸ் முன்னாள் தலைவர் ராகுல்காந்தி தீவிர பிரசாரம் மேற்கொள்ள உள்ளார்.
உத்தர பிரதேசம், உத்தரகாண்ட், பஞ்சாப், கோவா, மணிப்பூர் ஆகிய 5 மாநிலங்களில் சட்டசபை தேர்தல்கள் அறிவிக்கப்பட்டன. இதில் உத்தரகாண்ட், கோவாவில் பிப்.,14, பஞ்சாப்பில் பிப்.,20ல் தேர்தல்கள் முடிவடைந்தன.
உத்தரபிரதேசத்தில் 4 கட்ட தேர்தல்கள் முடிவடைந்துள்ளன. 5ம் கட்ட தேர்தல் இன்று நடைபெற உள்ளது. இதுதவிர இன்னும் 2 கட்ட தேர்தல்கள் நடைபெற உள்ளது.
மணிப்பூர் தேர்தல்
மணிப்பூரில் பிப்.,28ல் முதற்கட்ட தேர்தலும், மார்ச் 5ல் இரண்டாம் கட்ட தேர்தலும் நடைபெற உள்ளது. மொத்தம் 60 தொகுதிகள் உள்ளன. தற்போது பாஜக ஆட்சி நடக்கிறது. நாங்தோம்பம் பீரன் சிங் முதலமைச்சராக உள்ளார். இந்நிலையில் மீண்டும் ஆட்சியை தக்க வைக்க பாஜக தீவிர தேர்தல் பிரசாரம் மேற்கொண்டு வருகிறது. இழந்த ஆட்சியை மீட்க காங்கிரஸ் முயற்சித்து வருகிறது. பாஜக, காங்கிரஸ் கட்சிகளின் தலைவர்கள் சூறாவளி பிரசாரம் மேற்கொண்டு வருகின்றனர்.
ராகுல்காந்தி பிரசாரம்
முதற்கட்ட தேர்தலலில் காங்கிரஸ் சார்பில் ராகுல்காந்தி, பிரியங்கா காந்தி, பாஜக சார்பில் மத்திய அமைச்சர் ராஜ்நாத் சிங் ஆகியோர் தொடர்ச்சியாக பிரசாரம் மேற்கொண்டனர். இந்நிலையில் மணிப்புரில் 2ம் கட்ட தேர்தலையொட்டி காங்கிரஸ் முன்னாள் தலைவர் ராகுல்காந்தி தீவிர பிரசாரம் மேற்கொள்ள உள்ளார். மார்ச் 1ம் தேதி முதல் பல்வேறு பொதுக்கூட்டங்களில் அவர் பேச உள்ளார். முன்னதாக ராகுல்காந்தி பிப்ரவரி 21ல் இம்பாலில் உள்ள ஹப்டா காஞ்சிபங்க் பகுதியில் பொதுக்கூட்டத்தில் பேசினார்.
5 கட்சிகளுடன்...
மணிப்பூர் மாநிலத்தில் ஆட்சியை கைப்பற்ற காங்கிரஸ் தீவிர முயற்சி மேற்கொண்டு வருகிறது. இதனால் 6 கட்சிகளுடன் கூட்டணி அமைத்து போட்டியிடுகிறது. கூட்டணியில் காங்கிரஸ், இந்திய கம்யூனிஸ்ட், மார்க்சிஸ்ட் கம்யூனிஸ்ட், பார்வர்டு பிளாக், புரட்சிகர சோசியலிஸ்ட் கட்சி, மதசார்பற்ற ஜனதாதளம் ஆகிய கட்சிகள் உள்ளன.
கூட்டணியின் பெயர்
இந்த கூட்டணிக்கு மணிப்பூர் மதசார்பற்ற முற்போக்கு கூட்டணி என பெயரிடப்பட்டுள்ளது. காங்கிரஸ் சார்பில் மணிப்பூர் மாநில தேர்தல் பார்வையாளராக மூத்த தலைவர் ஜெய்ராம் ரமேஷ் நியமகிக்கப்பட்டுள்ளார்.
Click it and Unblock the Notifications
Sign in with Google