திருமண வயதை குறைக்க முஸ்லிம் மாணவிகள் கடும் எதிர்ப்பு

திருவனந்தபுரம்: திருமண வயதை குறைக்க கேரள மாநில முஸ்லிம் மாணவிகள் எதிர்ப்பு தெரிவித்துள்ளனர்.

கேரள மாநிலத்தில் உள்ள சமஸ்தா கேரளா ஜாமிய்யத்துல் உலமா அமைப்பு முஸ்லிம் பெண்களின் திருமண வயது குறித்த கட்டுப்பாடுகளை தளர்த்துவதில் முனைப்பாக உள்ளது. இந்நிலையில் கேரள மாநிலம் கோழிக்கோடு மற்றும் மலப்புரம் மாவட்டங்களில் உள்ள கல்வி நிலையங்களில் படிக்கும் முஸ்லிம் மாணவிகளிடம் முஸ்லிம் எஜுகேஷன் சொசைட்டி என்ற அமைப்பு திருமண வயதை குறைப்பது குறித்து கருத்துக் கணிப்பு ஒன்றை நடத்தியது.

இந்த கருத்துக் கணிப்பில் 16 கல்வி நிறுவனங்களைச் சேர்ந்த 5,139 முஸ்லிம் மாணவிகள் கலந்து கொண்டனர். அதில் 99 சதவீத மாணவிகள் திருமண வயதை குறைக்க கடும் எதிர்ப்பு தெரிவித்துள்ளனர். மேலும் 67 சதவீதம் பேர் திருமண வயது குறைந்தது 18 ஆக இருக்க வேண்டும் என்று கூறியுள்ளனர்.

எம்.இ.எஸ். ராஜா பள்ளி, எம்.இ.எஸ். பெண்கள் கல்லூரிகளில் படிக்கும் மாணவிகள் திருமண வயதை குறைப்பதற்கு எதிராக உள்ளனர். ஆனால் எம்.இ.எஸ். கலை மற்றும் அறிவியல் கல்லூரி மாணவிகள் 432 பேரில் 31 பேர் மட்டும் திருமண வயதை குறைக்க எதிர்ப்பு தெரிவிக்கவில்லை.

English summary

According to a survey conducted by the Muslim Education Society (MES) among muslim students, majority of the girls are against lowering the marriage age limit.