53% வரை உயரும் கட்டணம்: தனியார் கல்லூரிகளில் காஸ்ட்லியாகும் எம்.பி.பி.எஸ்.

போபால்: மத்திய பிரதேசத்தில் தனியார் மருத்துவக் கல்லூரிகளில் எம்.பி.பி.எஸ். படிப்பு இனி காஸ்ட்லியாக உள்ளது.

மத்திய பிரதேச மாநில சேர்க்கை மற்றும் கட்டண நிர்ணய குழு தனியார் மருத்துவக் கல்லூரிகளில் எம்.பி.பி.எஸ். படிப்புக்கான டியூஷன் கட்டணத்தை 33 முதல் 53 சதவீதம் வரை உயர்த்த ஒப்புதல் அளித்துள்ளது.

அதன்படி இந்த ஆண்டு எம்.பி.பி.எஸ். படிப்பில் சேர்பவர்கள் ரூ.5.72 லட்சம் டியூஷன் கட்டணம் செலுத்த வேண்டும். இந்த கட்டணம் கடந்த ஆண்டு ரூ.3.5 லட்சமாக இருந்தது. சில பெரிய மருத்துவக் கல்லூரிகளில் சேரும் மாணவர்கள் டொனேஷன் போக நான்கரை ஆண்டு படிப்புக்கு ரூ. 28 லட்சம் செலுத்த வேண்டும்.

2016ம் ஆண்டில் எம்.பி.பி.எஸ். சேரும் மாணவர்களுக்கு இந்த புதிய கட்டணம் பொருந்தும். இந்த புதிய கட்டணம் அடுத்த 3 ஆண்டுகளுக்கு அமலில் இருக்கும். 2019ம் ஆண்டில் கட்டணம் மேலும் உயர்த்தப்படலாம் என்று கூறப்படுகிறது.

இந்த கல்விக் கட்டண உயர்வால் பெற்றோரும், மாணவர்களும் கவலை அடைந்துள்ளனர். கல்லூரிகள் கூடுதல் கட்டணம் வசூலிக்குமா இல்லை கட்டணத்தை குறைக்க வேண்டும் என்ற மாணவர்களின் கோரிக்கையை ஏற்குமா என்பதை பொறுத்திருந்து தான் பார்க்க வேண்டும்.

English summary

According to sources, there will be a steep increase in tuition fee for MBBS courses from the upcoming academic session. In Indore, Madhya Pradesh, the Admission and Fees Regulatory Committee (AFRC) has approved about 33% to 53% increase in the MBBS course tuition fee in private colleges of the state.