பள்ளியில் 2ம் வகுப்பு மாணவி டாய்லெட் போனதை வீடியோ எடுத்த 9ம் வகுப்பு மாணவர்கள்
ஹைதராபாத்: ஹைதராபாத்தில் 9ம் வகுப்பு மாணவர்கள் சிலர் இரண்டாம் வகுப்பு மாணவி கழிவறையை பயன்படுத்தியதை வீடியோ எடுத்துள்ளனர்.
ஹைதராபாத்தில் உள்ள பள்ளி ஒன்றில் கடந்த சனிக்கிழமை இரண்டாம் வகுப்பு மாணவி ஒருவர் கழிவறையை பயன்படுத்தியபோது அதை 9ம் வகுப்பு மாணவர்கள் சிலர் வீடியோ எடுத்துள்ளனர். இந்த சம்பவம் பற்றி அறிந்த பெற்றோர் சம்பந்தப்பட்ட மாணவர்கள் மீது நடவடிக்கை எடுக்கக் கோரி பள்ளி முன்பு போராட்டம் நடத்தினர்.
வீடியோ எடுத்த மாணவர்கள் மீது நிச்சயம் கடும் நடவடிக்கை எடுக்கப்படும் என்று பள்ளி நிர்வாகம் உறுதி அளித்துள்ளது.
இந்நிலையில் பள்ளி முதல்வர் சீதா கிரண் கூறுகையில்,
சிறுமிகளுக்கான கழிவறையில் 2 சிறுமிகள் சிறுநீர் கழித்தபோது ஒரு சிறுவன் அங்கு சென்றுவிட்டான். இது தான் நடந்தது. ஆனால் இதை பெரிதாக்கிவிட்டனர். நாங்கள் ஒன்றும் சொகுசாக சும்மா உட்கார்ந்திருக்கவில்லை என்று தெரிவித்துள்ளார்.
மாணவர்கள் சிறுமி கழிவறையில் இருந்ததை வீடியோ எடுத்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.