பாஜக பிரதமர் வேட்பாளர் மோடி பிரமாதமா சமைப்பாராம்...
வாரணாசி: பாஜக பிரதமர் வேட்பாளாரும், குஜராத் முதல்வருமான நரேந்திர மோடி பிரமாதமாக நீந்துவார், நன்றாக சமைப்பார் என அவரது சகோதரர் தெரிவித்துள்ளார்.
நரேந்திர மோடியின் தம்பிகளில் ஒருவரான பிரகலாத் தாமோதர்தாஸ் மோடி, குஜராத் நியாயவிலை கடைகள் மற்றும் மண்எண்ணெய் விற்பனை உரிமம் பெற்றவர்கள் சங்கத்தின் தலைவர்.
வாரணாசியில் செய்தியாளர்கள் மத்தியில் பேசினார் பிரகலாத். அப்போது அவர் தன்னை விட இரண்டு வயது மூத்த தனது அண்ணன் நரேந்திர மோடி பற்றிய சில சுவாரசியமான மலரும் நினைவுகளை பகிர்ந்து கொண்டார்.
மேலும்,இது தொடர்பாக அவர் கூறியதாவது :-
சமைத்துக் கொடுப்பார்....
நாங்கள் சிறுவர்களாக இருந்த போது எனது தாயார் பக்கத்து வீடுகளில் வீட்டு வேலை செய்வார். அவர் வீட்டில் இல்லாத சில சமயங்களில் எனது அண்ணன் மோடிதான் எனக்கும், வீட்டில் உள்ள மற்ற சகோதரர்களுக்கும் சமைத்து கொடுப்பார்.
பிரமாதமாக நீந்துவார்....
அவ்வப்போது சமையல் செய்யும் அவர், பின்னர் நன்றாக சமைக்க கற்றுக்கொண்டார். மேலும் மோடிக்கு நீச்சல் அடிக்கவும் தெரியும். பிரமாதமாக நீந்துவார்.
நேர்த்தியான உடைகள்...
எப்போதும் தூய்மையாகவும், நேர்த்தியாகவும் உடை அணிவதை மோடி விரும்புவார்.
சிறந்த பிரதமராவார்....
மக்களின் தேவைகளை நன்கு அறிந்தவரான மோடி பிரதமரானால் தனது பணிகளை நல்ல முறையில் செய்து சிறந்த பிரதமர் என பெயர் எடுப்பார்' என இவ்வாறு அவர் தெரிவித்துள்ளார்.
Click it and Unblock the Notifications
Sign in with Google