குஜராத்தில் ரூ1000க்கு விற்பனையாகும் ‘மோடி பிராண்ட்’ பட்டாசுகள்

Published: Wednesday, October 30, 2013, 12:22 [IST]

Subscribe to Oneindia Tamil

அகமதாபாத் : தீபாவளிக்கு இன்னும் இரு தினங்களே உள்ள நிலையில் குஜராத்தில் ‘மோடி' பட்டாசுகள் விற்பனை அமோகமாக உள்ளதாம்.

தீபாவளி என்றாலே புத்தாடைகள், பட்சணங்கள், பட்டாசுகள் எனக் களை கட்டும் கொண்டாட்டங்கள். ஆண்டுதோறும் சூழ்நிலைக்குத் தக்க வாறு பண்டிகைக் கொண்டாட்டங்களில் புதுமைகளைப் புகுத்தி வியாபாரத்தைப் பெருக்குவது வியாபாரிகளின் யுக்தி.

அந்தவகையில் இந்த வருடம் குஜராத்தில் அறிமுகமாகியுள்ள ‘மோடி' பட்டாசிற்கு மக்களிடையே ஆதரவு அமோகமாக உள்ளதாம்.

மோடி புகழ்...

குஜராத் முதல்வரும் பாரதிய ஜனதாக் கட்சியின் பிரதம வேட்பாளாருமான நரேந்திர மோடிக்கு அரசியலில் உருவாகியுள்ள செல்வாக்கைப் போலவே பொதுமக்களின் பண்டிகைக் கொண்டாட்டங்களிலும் பங்களிப்பு பெருகி வருகிறது.

பேஷன் ஐகான்...

அந்தவகையில், சமீபத்தில் கொண்டாடப்பட்ட தசரா கொண்டாட்டங்களின் போது, மோடி டாட்டூஸ், மோடி குர்தா, மோடி சட்டை, மோடி சேலை என குஜராத்தின் பேஷன் சிட்டியான அகமதாபாத்தில் பேஷன் ஐகான் ஆனார் மோடி.

டாட்டூஸ்...

கிட்டத்தட்ட 30,000 டாட்டூக்கள் மோடியின் உருவப் படத்தை வைத்து தயாரிக்கப் பட்டு சந்தையில் வியாபாரம் செய்யப் பட்டதாம்.

ஆடைகள்...

மோடி ஆதரவாளர்கள் சிலர் ‘மோடி லாவோ... தேஷ் பச்சாவோ...' அதாவது, ‘மோடியைக் கொண்டு வாங்க...நாட்டைக் காப்பாத்துங்க..' என எம்பிராய்டரி செய்யப் பட்ட ஆடைகளை விற்பனை செய்து கல்லாக் கட்டினார்கள்.