டெல்லி ரேஸ்கோர்ஸ் சாலை பிரதமர் இல்லத்தில் குடியேறினார் மோடி!!
டெல்லி: குஜராத்தில் இருந்து விடைபெற்ற பிரதமராக பொறுப்பேற்க உள்ள நரேந்திர மோடி தமது உதவியாளர்களுடன் டெல்லி ரேஸ்கோர்ஸ் சாலை பிரதமர் இல்லத்தில் குடியேறினார்.
நாடாளுமன்ற தேர்தலில் தனிப்பெரும்பான்மையுடன் வெற்றி பெற்று பா.ஜ.க. மத்தியில் ஆட்சி அமைக்க உள்ளது. இதையடுத்து நரேந்திர மோடி வரும் 26ந் தேதி பிரதமராக பதவியேற்கிறார்.
இந்நிலையில், கடந்த 2001ஆம் ஆண்டு முதல் தான் வகித்து வந்த குஜராத் மாநில முதல்வர் பதவியை அவர் ராஜினாமா செய்தார். இந்நிலையில், பிரதமராக பதவியேற்க இருப்பதைத் தொடர்ந்து, நரேந்திர மோடி குஜராத்தில் இருந்து நேற்று விடை பெற்றார்.
அப்போது தமது தயாரை சந்தித்து வாழ்த்து பெற்றார். பின்னர், தமது சமையல்காரர் பத்ரி மற்றும் தனி உதவியாளர்களான தினேஷ் தாக்கூர், ஓ.பி.சிங் ஆகியோருடன் டெல்லி வந்தார்.
மோடியுடன், அவரது நெருங்கிய நண்பரான அமித் ஷாவும் டெல்லி வந்துள்ளார். டெல்லி ரேஸ் கோர்ஸ் சாலையில் பிரதமருக்கென ஒதுக்கப்பட்டுள்ள 7ஆம் எண் வீட்டில் மோடி குடியேறினார்.