ராஜ்நாத்சிங் அமைச்சரானால் பாஜக புதிய தலைவராக நட்டா?

டெல்லி: பாரதிய ஜனதா தலைவர் ராஜ்நாத்சிங் மோடி அமைச்சரவையில் இடம்பெற்றால் அக்கட்சியின் புதிய தலைவராக ஜகத் பிரகாஷ் நட்டா நியமிக்கப்படுவார் என்று கூறப்படுகிறது.

நரேந்திர மோடி தலைமையிலான பாரதிய ஜனதா அரசு வரும் 26-ந் தேதி டெல்லியில் பதவியேற்கிறது. மோடியுடன் பாஜக தலைவர் ராஜ்நாத்சிங் உள்ளிட்டோரும் மத்திய அமைச்சர்களாக பதவியேற்க உள்ளனர்.

ராஜ்நாத்சிங் பதவியேற்றால் பாஜகவுக்கு புதிய தலைவர் நியமிக்கப்படக் கூடும். தற்போதைய நிலையில் பாஜக தலைவர்களில் ஒருவரான மோடியின் அதிதீவிர ஆதரவாளரான நட்டா அக்கட்சியின் தலைவராக வாய்ப்பிருக்கிறது என்று கூறப்படுகிறது.

ஹிமாச்சல பிரதேசத்தில் இருந்து ராஜ்யசபா எம்.பி.யாக 2012-ல் தேர்வு செய்யப்பட்டவர் நட்டா. அம்மாநிலத்தில் 3 முறை எம்.எல்.ஏவாக, அமைச்சராகவும் பதவி வகித்தவர் நட்டா. தற்போது பாஜகவின் தலைமை நிலைய பொதுச்செயலராக பதவி வகித்து வருகிறார்.

பாரதிய ஜனதாவின் தேசியத் தலைவராக நட்டாவை நியமிக்க ஆர்.எஸ்.எஸ்.அமைப்பும் முனைப்பு காட்டுவதாக கூறப்படுகிறது.

English summary

Jagat Prakash Nadda, BJP general secretary in charge of headquarters, has emerged as favourite to take over as BJP chief if incumbent Rajnath Singh joins the Modi government.