வாரணாசி தொகுதியில் 24-ந் தேதி மோடி வேட்பு மனு தாக்கல்

வாரணாசி: பாரதிய ஜனதாவின் பிரதமர் வேட்பாளரான நரேந்திர மோடி வரும் 24-ந் தேதியன்று வாரணாசி தொகுதியில் வேட்புமனுத் தாக்கல் செய்ய உள்ளார்.

பாரதிய ஜனதா கட்சியின் பிரதமர் வேட்பாளர் நரேந்திர மோடி, குஜராத்தின் வதோதரா, உ.பி.யின் வாரணாசி ஆகிய இரு தொகுதிகளில் போட்டியிடுகிறார்.

வதோதரா தொகுதியில் கடந்த 9-ந் தேதி மோடி வேட்பு மனு தாக்கல் செய்தார். இறுதிகட்டமான மே 12-ந் தேதி வாக்குப்பதிவு நடைபெறவுள்ள வாரணாசி தொகுதியில் வரும் 24-ந் தேதி வேட்பு மனு தாக்கல் செய்ய கடைசிநாள். அத்தொகுதியில் 25-ம் தேதி வேட்புமனு பரிசீலனையும், 28-ந் தேதி வேட்புமனுக்களை திரும்பப் பெறுவதற்கான இறுதி நாளும் ஆகும்.

இந்நிலையில் மோடி வரும் 24-ந் தேதி வேட்பு மனு தாக்கல் செய்யவுள்ளதாக உத்த்ரப்பிரதேச மாநிலத்தில் அவரது பிரசார பொறுப்பு வகிக்கும் அமித் ஷா இன்று தெரிவித்தார்.

English summary

Bharatiya Janata Party’s prime ministerial candidate Narendra Modi will file his nomination from the Varanasi Lok Sabha constituency on April 24, party general secretary Amit Shah said Saturday.