நம்பிக்கை இல்லா தீர்மானம்.. நாடாளுமன்றத்தில் பாஜகவின் பலம் என்ன?
நாடாளுமன்றத்தின் லோக்சபாவில் பாஜக பெரும்பான்மை பலத்துடன் இருக்கிறது.
டெல்லி: தெலுங்குதேசம், ஒய்எஸ்ஆர் காங்கிரஸ் கட்சிகள் கொண்டு வரும் நம்பிக்கை இல்லா தீர்மானத்தை நாடாளுமன்றத்தில் பாஜக தோற்கடிக்குமா? என்கிற விவாதம் அனல் பறக்கிறது.
2014 லோக்சபா தேர்தலில் பாஜக தனித்து 282 இடங்களைக் கைப்பற்றியது. அடுத்தடுத்த லோக்சபா இடைத் தேர்தல்களில் தோல்வியைத் தழுவிய நிலையில் பாஜகவின் பலம் இப்போது 274. இதில் சத்ருஹன் சின்ஹா உள்ளிட்ட ஒன்றிரண்டு எம்பிக்கள் பாஜக மீது அதிருப்தியில் உள்ளனர்.
ஒட்டுமொத்தமாக பாஜக தலைமையிலான தேசிய ஜனநாயகக் கூட்டணிக்கு லோக்சபாவில் 331, ராஜ்யசபாவில் 79 எம்.பிக்கள் இருந்தனர். தற்போது பாஜகவுடனான கூட்டணியை தெலுங்குதேசம் முறித்துவிட்டது.
லோக்சபாவில் தெலுங்குதேசம் கட்சிக்கு 16; ராஜ்யசபாவில் 6 எம்.பிக்கள் உள்ளனர். இதனால் தேசிய ஜனநாயகக் கூட்டணியின் தற்போதைய பலம் லோக்சபாவில் 315; ராஜ்யசபாவில் 73.
ஏற்கனவே பாஜகவுடனான கூட்டணியை சிவசேனா முறித்துக் கொண்டாலும் மத்திய அரசில் தொடர்ந்து அங்கம் வகிக்கிறது. ஆகையால் தற்போதும் பாஜக கூட்டணியில் சிவசேனா இருப்பதாகவே கருதப்படுகிறது.
லோக்சபாவில் தேசிய ஜனநாயகக் கூட்டணி பலம் விவரம்:
பாஜக - 274
சிவசேனா- 18
லோக் ஜனசக்தி- 6
அகாலி தளம்- 4
லோக் சமதா- 3
ஐக்கிய ஜனதா தளம்- 2
இந்திய தேசிய லோக் தளம்-2
அப்னா தள்- 2
ஜம்மு காஷ்மீர் மக்கள் ஜனநாயக கட்சி- 1
சிக்கிம் ஜனநாயக முன்னணி- 1
பாட்டாளி மக்கள் கட்சி- 1
அகில இந்திய என்.ஆர். காங்கிரஸ்- 1
தேசியவாத மக்கள் கட்சி- 1
ராஜ்யசபாவில் தேசிய ஜனநாயக கூட்டணி பலம்:
பாஜக - 54
ஐக்கிய ஜனதா தளம்- 7
சிவசேனா- 3
அகாலி தளம்- 3
பிடிபி- 2
இந்திய தேசிய லோக் தள்- 1
சிக்கிம் ஜனநாயக முன்னணி- 1
குடியரசு அக்ட்சி அத்வாலே- 1
நாகா மக்கள் முன்னணி-1