பிரதமர் ஆக ஆசைப்படும் மோடி இப்படி சின்னப்புள்ளத்தனமாக இருக்கலாமா?: பிரியங்கா 'பொளேர்'

அமேதி: பிரதமர் ஆக வேண்டும் என்று ஆசைப்படும் பாஜக தலைவர் மோடியின் செயல் சிறுபிள்ளைத்தனமாக உள்ளது என்று பிரியங்கா காந்தி தெரிவித்துள்ளார்.

காங்கிரஸ் துணை தலைவரும், தனது சகோதரருமான ராகுல் காந்திக்காக உத்தர பிரதேச மாநிலம் அமேதியில் பிரியங்கா காந்தி பிரச்சாரம் செய்தார்.

அப்போது அவர் மக்கள் மத்தியில் பேசுகையில் கூறியதாவது,

ராஜீவ்

என் தந்தையும், முன்னாள் பிரதமருமான ராஜீவ் காந்தி நாட்டில் கம்ப்யூட்டர்களை அறிமுகப்படுத்தியபோது பாஜக அவரை கிண்டல் செய்தது. தற்போது என் சகோதரரை கிண்டலடிக்கிறது.

ராகுல்

பாஜக ராகுலை மாதிரி வடிவும் என்று அழைக்கிறது. அவரை நகைச்சுவை நடிகரோடு ஒப்பிடுகிறார்கள். சில சமயம் இளவரசர் என்று அழைக்கிறார்கள்.

மோடி

நீங்கள்(மோடி) பிரதமர் ஆக வேண்டும் என்று விரும்புகிறீர்கள். அப்படி இருக்கையில் நீங்கள் ஏன் சிறுபிள்ளைத் தனமாக நடந்து கொள்கிறீர்கள். கண்ணியத்துடன் அல்லவா அவர்(மோடி) நடந்து கொள்ள வேண்டும்.

ஸ்மிருதி

பாஜக வேட்பாளரான ஸ்மிருதி இரானி அமேதி தொகுதியில் மின்சாரம் மற்றும் முன்னேற்றம் இல்லாததை தெரிவிக்க இருட்டு அறைகளில் கூட்டங்களை நடத்துகிறார்.

பாஜக

மாநிலங்களிலும், மத்தியிலும் வெவ்வேறு அரசுகள் உள்ளன. மின்சாரம் வழங்குவது மாநில அரசின் கடமை. உத்தர பிரதேச அரசு மின்சாரம் வழங்கவில்லை என்று பாஜக தலைவர்கள் லக்னோவில் போராட்டம் நடத்தினார்கள். தற்போது அந்த கட்சி வேட்பாளர் நாடகம் ஆடுகிறார் என்றார் பிரியங்கா.

English summary

Priyanka Gandhi told that BJP's PM candidate Narendra Modi's behaviour is childish.