'இது நாட்டு மக்களின் நம்பிக்கைக்கு கிடைத்த வெற்றி!' - ரஜினிக்கு நன்றி தெரிவித்த மோடி

By Shankar

Published: Saturday, May 17, 2014, 11:07 [IST]

Subscribe to Oneindia Tamil

டெல்லி: தனது தேர்தல் வெற்றிக்கு வாழ்த்துக் கூறிய ரஜினிகாந்துக்கு நன்றி தெரிவித்துள்ளார் விரைவில் பிரதமர் பொறுப்பேற்கவிருக்கும் நரேந்திர மோடி.

நரேந்திர மோடி தலைமையிலான பாஜகவுக்கு இந்த தேர்தலில் வரலாறு காணாத வெற்றி கிடைத்துள்ளது. பாஜக தனித்து அறுதிப் பெரும்பான்மை பெற்று ஆட்சியைப் பிடித்துள்ளது.

இந்த வெற்றிக்காக நரேந்திர மோடிக்கு வாழ்த்து தெரிவித்திருந்தார் ரஜினி. வரலாற்று சிறப்புமிக்க வெற்றியைப் பெற்றுள்ளீர்கள் என மோடியை அவர் வாழ்த்தியிருந்தார்.

தேர்தலின்போது, ரஜினியை வீட்டுக்கே போய்ச் சந்தித்து, நலம் விசாரித்தவர் மோடி. இப்போது தனக்கு வாழ்த்து தெரிவித்த ரஜினிக்கு, ட்விட்டரில் நன்றி தெரிவித்துள்ளார் மோடி.

அதில், "தங்கள் வாழ்த்துகளுக்கு நன்றி. இந்த நாட்டு மக்களின் நம்பிக்கைக்கும் அபிலாஷைகளுக்கும் கிடைத்த வெற்றி இது," என்று குறிப்பிட்டுள்ளார்.

Published On May 17, 2014