நாடாளுமன்ற அவைக்குள் நுழையும் முன் மண்டியிட்டு வணங்கிய மோடி!

டெல்லி: பாரதிய ஜனதா மற்றும் தேசிய ஜனநாயகக் கூட்டணி கூட்டத்தில் கலந்து கொள்வதற்காக நாடாளுமன்றம் வந்த நரேந்திர மோடி உள்ளே நுழையும் முன் படிக்கட்டில் மண்டியிட்டு வணங்கினார்.

நரேந்திர மோடியை நாடாளுமன்ற கட்சித் தலைவராக தேர்ந்தெடுப்பதற்காக பாரதிய ஜனதாவின் நாடாளுமன்ற குழு கூட்டம் டெல்லியில் நடைபெற்றது. அதைத் தொடர்ந்து தேசிய ஜனநாயகக் கூட்டணி கூட்டமும் நடைபெற்றது.

இதற்காக முதல் முறையாக நாடாளுமன்றத்துக்கு வந்தார் நரேந்திர மோடி. அவர் நாடாளுமன்ற அவைக்குள் நுழைவதற்கு முன்பாக மண்டியிட்டு தனது தலையால் படிக்கட்டை தொட்டு வணங்கியது நெகிழ்ச்சியான சம்பவமாக இருந்தது.

பாஜக நாடாளுமன்ற கூட்டத்தில் பேசும்போதும் நாடாளுமன்றத்தை ஜனநாயகத்தின் கோயில் என்று குறிப்பிட்டுப் பேசினார் மோடி.

English summary

When Narendra Modi entered the parliament, a swarm of reporters gathered around him to capture his first step inside the Central Hall of Parliament. Narendra Modi was seen graciously bending, and touching the steps of the parliament with his head in respect, before he stepped inside the parliament.