ட்விட்டரில் ரஜினிக்கு தமிழில் பிறந்தநாள் வாழ்த்து தெரிவித்த பிரதமர் மோடி
டெல்லி: பிரதமர் நரேந்திர மோடி ட்விட்டரில் ரஜினிகாந்துக்கு தமிழில் பிறந்தநாள் வாழ்த்துக்களை தெரிவித்துள்ளார்.
சூப்பர் ஸ்டார் ரஜினிகாந்த் இன்று தனது 64வது பிறந்தநாளை கொண்டாடினார். இதையே எத்தனை முறை எழுதுவீர்கள் என்று நீங்கள் கேட்டால், வேறு வழியில்லை நாங்கள் கை வலிக்க டைப் செய்வதை நீங்கள் படித்தே ஆக வேண்டிய கட்டாயம்.
சரி மேட்டருக்கு வருவோம். ரஜினிக்கு பிரதமர் நரேந்திர மோடி ட்விட்டரில் ஆங்கிலத்தில் வாழ்த்து தெரிவித்திருந்தார். இந்த செய்தியை அவர் ட்வீட் செய்த சில நிமிடத்திலேயே நாங்கள் உங்களுக்கு அளித்தோம்.
இந்நிலையில் அவர் தற்போது ட்விட்டரில் தமிழில் வாழ்த்து தெரிவித்துள்ளார். மோடியின் ட்வீட்,
இன்று பிறந்த நாள் காணும் பெருந்தகை ரஜினி காந்த் அவர்கள் நீண்ட நெடுங்காலம் சிறந்த நலத்துடன் வாழ வாழ்த்துகிறேன்... @superstarrajini
ஜப்பான் பிரதமர் ஷின்சோ அபேக்காக ஜப்பானிய மொழியிலும், ரஷ்ய அதிபர் புதினுக்காக ரஷ்ய மொழியிலும் ட்வீட் செய்தவர் மோடி. இப்போது முதல் முறையாக தமிழில் ரஜினிக்காக ட்வீட் செய்துள்ளார்.
Click it and Unblock the Notifications
Sign in with Google