டெல்லி உள்பட வட இந்தியாவில் கனமழை பெய்ய வாய்ப்பு

டெல்லி உள்பட வட இந்தியாவில் கனமழை பெய்ய வாய்ப்புள்ளது.

டெல்லி: டெல்லி, மத்திய இந்தியா, மகாராஷ்டிரா ஆகிய மாநிலங்களில் தென்மேற்கு பருவமழை தீவிரமடையும்.

இதுகுறித்து இந்திய வானிலை ஆய்வு மையம் கூறுகையில் டெல்லி உள்ளிட்ட வட இந்தியா உள்ளிட்ட பகுதிகளில் வரும் ஜூன் 29-ஆம் தேதி முதல் ஜூலை 1-ஆம் தேதி வரை நல்ல மழைக்கு வாய்ப்புள்ளது.

தற்போது மத்திய இந்தியா மற்றும் வட இந்திய சமவெளிகளில் கடும் வெப்பம் நிலவி வருகிறது. இந்நிலையில் அடுத்த 2 அல்லது 3 நாட்களில் மேற்கண்ட பகுதிகளில் நல்ல மழை பெய்து குளிர்ச்சி நிலவும். பருவமழைக்கு முந்தைய மழை வட இந்தியாவில் செவ்வாய்க்கிழமை அல்லது புதன்கிழமை பெய்யக் கூடும் என எதிர்பார்க்கப்படுகிறது.

அரபிக் கடலின் வடபகுதி, குஜராத், மகாராஷ்டிரம், மத்திய பிரதேசம், ஒடிஸா, சத்தீஸ்கர், ஜார்க்கண்ட், பீகார் ஆகிய மாநிலங்களில் அடுத்த 48 மணிநேரத்தில் மழை பெய்யும்.

கடந்த ஆண்டை காட்டிலும் இந்த ஆண்டு நல்ல மழைக்கு வாய்ப்பு, ஜூன் முதல் செப்டம்பர் வரை 96 முதல் 104 சதவீதம் வரை இயல்பான அளவுக்கு மழை பெய்யும் என எதிர்பார்க்கப்படுகிறது.

English summary

After a weak phase lasting at least 10 days, the Southwest monsoon has revived and become active over Maharashtra and central India. Met officials expect the advance to continue, with the rain-bearing system now looking likely to cover parts of north India, including Delhi, by June 29 to July 1.