பாஜக ஆட்சிமன்ற குழு கூட்டத்தில் மயங்கி விழுந்த மத்திய பெண் அமைச்சர்.. பரபரப்பு

டெல்லி: பாஜக ஆட்சிமன்ற கூட்டத்தில் மத்திய இணை அமைச்சர் கிருஷ்ணா ராஜ் மயங்கி விழுந்தார். இதனால் அங்கு பரபரப்பு ஏற்பட்டுள்ளது.

டெல்லியில் நாடாளுமன்ற நூலக கட்டிடத்தில், இன்று பாஜக ஆட்சிமன்ற குழு கூட்டம் நடைபெற்று வருகிறது. பிரதமர் மோடி மற்றும் மத்திய அமைச்சர்கள் பங்கேற்றுள்ளனர். அதில் மத்திய வேளாண்துறை இணை அமைச்சர் கிருஷ்ணா ராஜும் பங்கேற்றிருந்தார். கூட்டம் தொடங்கிய சிறிது நேரத்தில் அவர் திடீரென மயங்கி சாய்ந்தார். உடனடியாக ஸ்ட்ரெக்சர் தூக்கி வைத்து, ஆம்புலன்ஸ் மூலம் அவர் ராம் மனோகர் லோகியா மருத்துவமனைக்கு கொண்டு செல்லப்பட்டுள்ளார்.

இதனால், அங்கு பரபரப்பு நிலவுகிறது. கிருஷ்ணா ராஜ், உத்தர பிரதேச மாநிலம் ஷாஜகான்பூர் லோக்சபா தொகுதி எம்.பி என்பது குறிப்பிடத்தக்கது.

English summary

MoS Agriculture Krishna Raj fell ill during BJP parliamentary party meeting, was rushed to Delhi's RML hospital for treatment.