ரூ.8.5 கோடிக்கு குண்டு துளைக்காத பென்ஸ் வாங்கிய முகேஷ் அம்பானி
மும்பை: ரிலையன்ஸ் நிறுவன தலைவர் முகேஷ் அம்பானி குண்டு துளைக்காத மெர்சிடிஸ் பென்ஸ் காரை வாங்கியுள்ளார்.
ரிலையன்ஸ் நிறுவன தலைவரும், இந்தியாவின் பணக்கார மனிதருமான முகேஷ் அம்பானி குண்டு துளைக்காத மெர்சிடிஸ் பென்ஸ் காரை வாங்கியுள்ளார். பென்ஸ் எஸ்600 காரை வாங்கி ஜெர்மனியில் உள்ள அந்நிறுவனத்தின் பேக்டரியில் குண்டு துளைக்காதபடி அதில் மாற்றங்கள் செய்யப்பட்டுள்ளன.
எஸ்600 காரின் விலை ரூ.1.5 கோடி தான். ஆனால் அதில் பாதுகாப்பு காரணங்களுக்காக செய்யப்பட்டுள்ள மாற்றங்களால் விலை அதிகரிக்கும். மேலும் முகேஷ் அந்த காரை இறக்குமதி செய்ய 300 சதவீத இறக்குமதி வரியை செலுத்த வேண்டும்.
ஆக ரூ.1.5 கோடி காரை அவர் ரூ.8.5 கோடி கொடுத்து வாங்கியுள்ளார். முன்னதாக அவர் கடந்த ஏப்ரல் மாதம் குண்டு துளைக்காத பிஎம்டபுள்யூ காரை ரூ.8.5 கோடிக்கு இறக்குமதி செய்தார் என்பது குறிப்பிடத்தக்கது.
2015ம் ஆண்டு மாடல் எஸ்600-வி9 குண்டு துளைக்காத பென்ஸ் இந்தியாவில் முகேஷிடம் மட்டுமே உள்ளது. கடந்த 2013ம் ஆண்டு ஏப்ரல் மாதத்தில் இருந்து முகேஷ் அம்பானிக்கு இசட் பிரிவு பாதுகாப்பு வழங்கப்பட்டு வருகிறது. அதற்காகும் செலவை அவர் அரசிடம் அளித்து வருகிறார்.
Click it and Unblock the Notifications
Sign in with Google