நான் அறிவியல் மாணவன்தான்... ஆனால் எனது மூதாதையர்கள் குரங்குகள் அல்ல... மத்திய அமைச்சர் பேச்சு

நான் அறிவியல் மாணவன்தான் என்கிற போதிலும் எனது மூதாதையர்கள் குரங்குகள் அல்ல என்று மத்திய அமைச்சர் சத்யபால் சிங் பேசியுள்ளார்.

டெல்லி: நான் அறிவியல் படித்த மாணவர்தான் ஆனால் எனது மூதாதையர்கள் குரங்குகளாக இருந்தனர் என்பதை நான் ஏற்க மாட்டேன் என்று மத்திய அமைச்சர் சத்யபால் சிங் கூறியுள்ளார்.

குரங்கிலிருந்து மனிதன் பிறந்தான் என்பது டார்வினின் கோட்பாடு ஆகும். இதை அனைவரும் பள்ளி பாடப்புத்தகங்களில் படித்துள்ளோம். இந்த கோட்பாடு அனைவராலும் ஏற்றுக் கொள்ளப்பட்டு நம்பப்படுகிறது.

மனிதனுக்கு இருக்கும் அதே உணர்ச்சிகள் குரங்கிற்கும் இருக்கும் என்று கருதப்படுகிறது. நாம் பேசுகிறோம், குரங்குகளால் பேச முடியாது என்ற வித்தியாசத்தை தவிர்த்து வேறொன்றும் இல்லை என்பது அறிஞர்களின் வாதம்.

கடந்த சில மாதங்களுக்கு முன் டார்வின் கோட்பாடு அறிவியல் ரீதியாகவே தவறு என்றார் மத்திய மனிதவள மேம்பாட்டுத் துறை அமைச்சர் சத்யபால் சிங். எனவே பள்ளி மற்றும் கல்லூரி பாடத்திட்டத்திலும் மாற்றங்கள் செய்ய வேண்டும் என்றும் அவர் வலியுறுத்தியிருந்தார். இதற்கு பலர் கண்டனம் தெரிவித்தனர்.

இந்நிலையில் நேற்று ஒரு புத்தக வெளியீட்டு விழாவில் கலந்து கொண்ட மத்திய அமைச்சர் சத்யபால் சிங் கூறுகையில் நான் அறிவியல் மாணவன். வேதியியலில் பிஎச்டி பட்டம் பெற்றுள்ளேன்.

எனது மூதாதையர்கள் குரங்குகள் அல்ல. எனது கருத்துக்கு கண்டனம் தெரிவிப்பது சரியல்ல. இது என்னுடைய அபிப்ராயம். என்னுடைய கருத்தால் எத்தனை பேர் எனக்கு எதிராக உள்ளீர்கள், எத்தனை பேர் எனது கருத்தால் விழித்துக் கொண்டீர்கள்? இன்றோ நாளையோ இல்லாவிட்டால் 10 முதல் 20 ஆண்டுகளுக்குள்ளோ இதை மக்கள் ஏற்றுக் கொள்வர் என்றார்.

English summary

Union minister Satyapal Singh on Saturday stood by his claim that Charles Darwin’s theory of evolution of man was “scientifically wrong” and said that as a science student, he believes that his “ancestors were not apes”.