சக்கை போடுபோடும் நமோ மாத்திரை, ராகா பிளம் வலி நிவாரணிகள்!

டெல்லி: லோக்சபா தேர்தல் நேரத்தில் மோடியின் பெயரை பிரபலப்படுத்த ‘நமோ' டீக்கடையை பாஜகவினர் தொடங்கினர். அவர்களுக்கு போட்டியாக ‘ராகா பால்' விற்கத் தொடங்கினர் காங்கிரஸ் கட்சியினர்.

தேர்தல் ஜூரத்திற்கு ஏற்ப எங்கும் எதிலும் நமோ கோஷம் ஒலித்தது. இதை பயன்படுத்திய பார்மஸி நிறுவனம் ஒன்று வலிநிவாரணி மாத்திரை, தைலங்களுக்கு ‘நமோ', ‘ராகா' பெயரை பயன்படுத்தி விற்பனை செய்தது.

விற்பனை அமோகம்

இந்த வலி நிவாரணி மாத்திரை, தைலம் விற்பனை அமோகமாக நடைபெற்று வருகிறதாம்

நமோ மாத்திரை

காய்ச்சல் மற்றும் தலைவலிக்கு பயன்படுத்தும் நிமுசிலைட் மற்றும் பாராசிடமால் மாத்திரைகளின் கலவையாக தயாரிக்கப்பட்டுள்ள மாத்திரைக்கு நமோ மாத்திரை என பெயரிடப்பட்டுள்ளது.

ராகா பிளம்

இதே போன்று வலிக்கு பயன்படுத்தப்படும் டைகோஃபினக் மற்றும் பாராசிடமால் ஆகியவற்றின் கலவையான மாத்திரைக்கு ராகாபிளம் என பெயரிடப்பட்டுள்ளது.

200000 மாத்திரைகள்

நமோ மாத்திரைகள் அடங்கிய ஒரு அட்டையின் விலை ரூ.36க்கு விற்பனை செய்யப்படுகிறது. ராகா மாத்திரை ஒரு அட்டை 16 ரூபாய்க்கு விற்பனை செய்யப்படுகிறது. இவற்றை அறிமுகப்படுத்திய சில வாரங்களிலேயே 20 லட்சம் நமோ மற்றும் ராகா மாத்திரைகள் விற்பனையானதாம்.

விலை கம்மிதான்

தங்கள் தயாரிப்புகளின் மதிப்பையும், விற்பனையையும் அதிகரிப்பதற்காக முதல் முறையாக மருந்துகளுக்கு அரசியல் கட்சிகள் மற்றும் இரண்டு பெரிய முக்கிய தலைவர்களின் பெயர்களில் மருந்துகளை விற்பனை செய்து வருவதாக குர்கனைச் சேர்ந்த ஐசிஐ ஹெல்த்கேரின் இயக்குனர் நவீன் ஜெயின் தெரிவித்துள்ளார்.

விற்பனை அமோகம்

பஞ்சாப், அரியானா, ராஜஸ்தான், மத்திர பிரதேசம், சட்டீஸ்கர் மற்றும் அசாம் உள்ளிட்ட பல மாநிலங்களில் நமோ மத்திரைகளும், ராகாபிளம் மத்திரைகள் அதிகம் விற்பனையாகி வருகின்றன.

திதி, லாலு பெயர்களும் இருக்கு

வலி நிவாரணியாக பயன்படுத்தப்படும் மருந்திற்கும் நமோனிஜெல் என பெயரிடப்பட்டுள்ளது. நமோ மற்றும் ராகா தவிர, திதி டைஜின், லாலு சிரப் உள்ளிட்டவைகளும் விற்பனைக்கு வந்துள்ளன.

எல்லாம் பிஸினஸ் டிரிக்

வலி நிவாரணிகள் காய்ச்சல், தலைவலி, உடல்வலி ஆகியவைகளை போக்க வல்லவை. ஆனால் நமோ, ராகா என்று அரசியல் தலைவர்களின் பெயர்களைச் சூட்டி விற்பனை அதிகரித்து வருகின்றனர் மாத்திரை தயாரிப்பாளர்கள்.

நமோ நமோ கோஷம்

தேர்தல் நேரத்தில் எங்கும் எதிலும் நமோ மயமாக இருந்தது. டிஸ்யூ பேப்பர், மவுத் ப்ரெஸ்னர், ஹோலி கலர், டிசர்ட், ஜக்,மற்றும் மருத்துவ நிறுவனங்களும் மோடியின் பெயரை உக்தியாக பயன்படுத்தி கல்லா கட்டினார்கள்.

English summary

Trust entrepreneurs to cash in on anything, even the election season. A pharmaceutical firm has brought out painkillers, ointments and tablets branded after BJP’s PM candidate Narendra Modi and Congress vice-president Rahul Gandhi.