நாராயணசாமி மனைவிக்கு எய்ம்ஸ் மருத்துவமனையில் ஆபரேஷன்: நலம் விசாரித்த ராகுல் காந்தி

டெல்லி: மத்திய அமைச்சர் நாராயணசாமியின் மனைவி கலைச்செல்விக்கு டெல்லியில் உள்ள எய்ம்ஸ் மருத்துவமனையில் அறுவை சிகிச்சை நடைபெற்றது. காங்கிரஸ் துணை தலைவர் ராகுல் காந்தி மருத்துவமனைக்கு சென்று நலம் விசாரித்தார்.

மத்திய அமைச்சர் நாராயணமசாமியின் மனைவி கலைச்செல்வி(57) கடந்த ஆண்டு புதுவையில் நடந்த விபத்தில் சிக்கினார். அப்போது அவருக்கு தலையில் காயம் ஏற்பட்டு புதுவையில் உள்ள ஜிப்மர் மருத்துவமனையில் சிகிச்சை பெற்று வீடு திரும்பினார்.

இந்நிலையில் டெல்லியில் உள்ள கலைச்செல்விக்கு திடீர் என்று உடல்நலக்குறைவு ஏற்பட்டது. ரத்த அழுத்தம் அதிகரித்ததால் அவரது முளைக்கு செல்லும் நரம்பில் பாதிப்பு ஏற்பட்டது என்று கூறப்படுகிறது.

இதையடுத்து அவர் டெல்லியில் உள்ள எய்ம்ஸ் மருத்துவமனையில் சேர்க்கப்பட்டார். அங்கு அவருக்கு அறுவை சிகிச்சை செய்யப்பட்டது. இந்நிலையில் காங்கிரஸ் துணை தலைவர் ராகுல் காந்தி மருத்துவமனைக்கு சென்று நாராயணசாமியிடம் அவரது மனைவியின் உடல் நலம் குறித்து விசாரித்தார்.

English summary

Central minister Narayanasamy's wife Kalaichelvi underwent surgery in AIMS hospital in Delhi. Congress vice president Rahul Gandhi visited the hospital and enquired about ther health.