தேர்தல் முடிவு எதிரொலி.. டெல்லியில் மோடி - பாஜக தலைவர்கள் ஆலோசனை

Updated: Sunday, December 8, 2013, 18:48 [IST]

Subscribe to Oneindia Tamil

டெல்லி: டெல்லி உள்ளிட்ட நான்கு மாநில சட்டசபைத் தேர்தல் முடிவுகள் வெளியாகியுள்ள நிலையில், பாஜக பெரும் வெற்றியை நோக்கி சென்று கொண்டுள்ள நிலையில் இன்று டெல்லியில் பாஜக தலைவர்கள் கூடி முக்கிய ஆலோசனை நடத்தவுள்ளனர். இதில் நரேந்திர மோடியும் பங்கேற்கிறார்.

கட்சியின் நாடாளுமன்றக் குழுத் தலைவர்கள் கூடி ஆலோசனை நடத்துகின்றனர். நான்கு மாநிலங்களுக்கான தேர்தல் முடிவுகளில், டெல்லி, மத்தியப் பிரதேசம், ராஜஸ்தானில் பாஜக பெரும் வெற்றியைப் பெற்று வருகிறது. சட்டிஸ்கரில் இழுபறி காணப்படுகிறது.

இந்த நான்கு மாநிலங்களிலும் மோடி தீவிரப் பிரசாரம் மேற்கொண்டார் என்பது குறிப்பிடத்தக்கது. எனவே இந்த வெற்றியை மோடியின் வெற்றியாக பாஜகவினர் கொண்டாடி வருகின்றனர்.