பிரதமர் பதவிக்கு குஜராத் முதல்வர் மோடி மிக சரியான தேர்வு- முன்னாள் நீதிபதி கிருஷ்ணய்யர்

By Mathi

Published: Thursday, September 19, 2013, 10:49 [IST]

Subscribe to Oneindia Tamil

அகமதாபாத்: நாட்டின் பிரதமர் பதவிக்கு குஜராத் முதல்வர் நரேந்திர மோடி மிக சரியான தேர்வு என்று உச்சநீதிமன்ற முன்னாள் நீதிபதி வி.ஆர். கிருஷ்ணய்யர் தெரிவித்துள்ளார்.

குஜராத் முதல்வர் நரேந்திர மோடிக்கு பிறந்த நாள் வாழ்த்து தெரிவித்து கிருஷ்ணய்யர் கடிதம் ஒன்றை அனுப்பியுள்ளார்.

பிரதமர் பதவிக்கு மோடி தகுதியானவர்

அந்த கடிதத்தில் லோக்சபா தேர்தலில் பிரதமர் வேட்பாளாராக நரேந்திர மோடியை அறிவித்ததை வரவேற்கிறேன். அவர் மிகச் சரியான தேர்வு. பிரதமர் பதவிக்கு தகுதி வாய்ந்தவர் மோடி.

சூரிய சக்திதான் கொள்கை

நாட்டின் மீதான அக்கறை, அவருடைய அணுகுமுறை போன்ற குணநலன்கள் அவருக்கு இந்த வாயப்பைப் பெற்று தந்துள்ளது. இந்தியாவுக்கு அணுமின் திட்டங்கள் தேவையில்லை. அணுசக்தி வேண்டாம், சூரியசக்தியே வேண்டும் என்பது எனது கொள்கை.

குஜராத்- சூரிய சக்தி மாநிலம்

என்னைப் போன்று நரேந்திர மோடியும் சூரியசக்திக்கு ஆதரவானவர். இந்தியாவில் வேறு எந்த மாநிலத்திலும் இல்லாத அளவில் சூரியசக்தி திட்டங்களை செயல்படுத்தி மின்உற்பத்தியை பெருக்கிக் காட்டியவர். 'சூரிய சக்தி' மாநிலமாக குஜராத்தை மாற்றியமைத்துள்ளார் நரேந்திர மோடி.

காந்திய கொள்கையை ஊக்கப்படுத்தும் மோடி

காந்தியின் மது அருந்தாமை கொள்கையைக் கடைப்பிடிக்கும் ஒரே மாநிலம் மோடி ஆளும் குஜராத் மட்டுமே. ஊழலற்ற மாநிலமாக குஜராத்தை மாற்றும் முயற்சியிலும் மோடி ஈடுபட்டு வருகிறார்.

மோடியை ஆதரியுங்கள்

மோடியின் செயல்பாடுகள், அவரது நிர்வாகத் திறமையை தேசிய அளவில் பயன்படுத்திக் கொள்ள அவரை நாம் ஆதரிக்க வேண்டும்.

மோடியால் சுஜயராஜ்ஜியம்

பிரதமராவதற்கு மோடிக்கு இதுபோன்றதொரு அரிய வாய்ப்பு கிடைத்துள்ள நிலையில், நாட்டில் சுயராஜ்ஜியத்தை நிலைநாட்டவும்,வறுமையை அறவே ஒழித்திடவும் அவர் பாடுபட வேண்டும்.

மோடி ஒரு சோசியலிஸ்ட்

அடிப்படையில் நான் சோசியலிஸ்ட். எனவே மோடியை ஆதரிக்கிறேன். மோடியும் ஒரு சோசியலிஸ்ட்தான். இந்திய ஒருமைப்பாடு, அரசியல் சமூக, பொருளாதாரத்தைப் பேணுவதில் காந்திய சிந்தனையையும் அவர் பின்பற்றுகிறார் என்று கூறியுள்ளார்.

Published On September 19, 2013