வதோதராவில் மோடியின் தேர்தல் செலவு ரூ.50 லட்சம் – செலவுக்கணக்கு தேர்தல் ஆணையத்தில் தாக்கல்

வதோதரா: பிரதமர் நரேந்திர மோடி போட்டியிட்ட வதோதரா தொகுதியில் அவரது தேர்தல் செலவு ரூபாய்.50 லட்சம் என்று கணக்கிடப்பட்டுள்ளது.

நாட்டின் புதிய பிரதமராக பதவியேற்றுள்ள பாஜகவின் நரேந்திர மோடி, வாரணாசி மற்றும் வதோதரா ஆகிய 2 தொகுதிகளில் போட்டியிட்டு வெற்றியடைந்தார்.பின்பு வாரணாசியை மட்டும் வைத்துக் கொண்டு, வதோதரா எம்.பி பதவியை ராஜினாமா செய்தார்.

இந்நிலையில், பிரதமரின் வதோதரா தொகுதி தேர்தல் பிரசாரத்திற்கு மொத்தமாக ரூபாய் 50 லட்சத்து 3 ஆயிரத்து 598 செலவாகியுள்ளது எனத் தெரிவிக்கப்பட்டுள்ளது.

இந்த தேர்தல் செலவீன கணக்கு விவரங்களை தேர்தல் ஆணையத்தில் மோடியின் தேர்தல் பொறுப்பாளர் மற்றும் வதோதரா மாநகராட்சி மேயரான பரத்ஷா தலைமை தேர்தல் அதிகாரியிடம் நேற்று தாக்கல் செய்துள்ளார்.

English summary

Prime Minister Narendra Modi incurred a total poll expenditure of a little over Rs 50 lakh in Vadodara, one of the two Lok Sabha seats from where he contested and won.