ஷீலா தீட்சித்துக்கு எதிராக நரேந்திர மோடி போட்டியிட வேண்டும்: டெல்லி காங்கிரஸ்

டெல்லி: டெல்லி முதல்வர் ஷீலா தீட்சித்தை விமர்சிக்கும் நரேந்திர மோடி அவரை எதிர்த்து சட்டசபை தேர்தலில் போட்டியிட தயாரா என்று அம்மாநில அமைச்சர் ராஜ்குமார் செளகான் கேள்வி எழுப்பியுள்ளார்.

டெல்லி முதல்வர் ஷீலா தீட்சித் அரசின் செயல்பாடுகளை குஜராத் முதல்வரும் பாஜகவின் பிரதமர் வேட்பாளருமான நரேந்திர மோடி அண்மையில் மிகக் கடுமையாக விமர்சித்திருந்தார். இதற்கு ஷீலா தீட்சித்தும் பதிலடி கொடுத்திருந்தார்.

இந்நிலையில் ஷீலா தீட்சித் அமைச்சரவையில் இடம்பெற்றுள்ள ராஜ்குமார் செளகான், நரேந்திர மோடி மக்களை பிரிக்கக் கூடிய சக்தி. அவருக்கு துணிச்சல் இருந்தால் ஷீலா தீட்சித்தை எதிர்த்து டெல்லி சட்டசபை தேர்தலில் போட்டியிடட்டும். மோடியின் அரசியல் இந்த சமூகத்தை பிளவுபடுத்தக் கூடியது. ஆகையால் மோடியின் மதவாத அரசியலை டெல்லி மக்கள் ஒரு போதும் ஏற்க மாட்டார்கள்.

டெல்லி பாரதிய ஜனதா கட்சியினர் பொதுக்கூட்டங்களை நடத்த குஜராத் முதல்வர் நரேந்திர மோடி நிதி உதவி செய்தார். சொந்த மாநிலத்தில் மக்கள் வெள்ளத்தால் பாதிக்கப்படும் போது அதை பார்க்கச் செல்லாமல் டெல்லி பயணம் மேற்கொண்டவர் மோடி என்றார்.

English summary

Hitting back at Narendra Modi for his blistering attack on Chief Minister Sheila Dikshit, Delhi Congress today dared him to fight election against her even as the CM herself chose to project development agenda of her government, saying her work is visible in the city.