ராகுல்காந்தி தொகுதியில் மோடி இன்று பிரச்சாரம்: எகிறியது தேர்தல் ஜுரம்
அமேதி: ராகுல்காந்தி போட்டியிடும் அமேதி தொகுதியில் பாஜக பிரதமர் வேட்பாளர் நரேந்திரமோடி இன்று மாலை பிரச்சாரம் செய்ய உள்ளதால் அங்கு பரபரப்பு எகிறிக்கிடக்கிறது.
உத்தரபிரதேச மாநிலம் அமேதி தொகுதியில் காங்கிரஸ் துணை தலைவர் ராகுல்காந்தியை எதிர்த்து பாஜக சார்பில் டி.பி.நடிகை ஸ்மிருதி இரானி நிறுத்தப்பட்டுள்ளார். போட்டி பலமாக இருப்பதால் ராகுலின் சகோதரி பிரியங்கா அமேதியில் முகாமிட்டு ராகுலுக்கு வாக்களிக்குமாறு தொடர் பிரச்சாரத்தில் ஈடுபட்டிருந்தார்.
இந்நிலையில் மோடி இன்று அமோதி தொகுதிக்கு சென்று இரானிக்கு ஆதரவாக வாக்கு சேகரிக்கிறார். அப்போது ராகுலுக்கும் அவரது குடும்பத்துக்கும் எதிராக கடும் பிரச்சார யுத்தமே நடத்த கூடும் என்ற எதிர்பார்ப்பு உள்ளது. இதனால் அமேதி தொகுதியில் பரபரப்பு தொற்றிக்கொண்டுள்ளது. இன்னும் சிறிது நேரத்தில் மோடி தனது தேர்தல் பிரச்சாரத்தை மேற்கொள்ள உள்ளார்.
Click it and Unblock the Notifications
Sign in with Google