4வது முறையாக ஒடிஷா முதல்வராக பதவியேற்றார் நவீன் பட்நாயக்!
புவனேஸ்வர்: ஒடிஷா மாநிலத்தின் முதலமைச்சராக நான்காவது முறையாக பிஜூ ஜனதா தளத்தின் தலைவர் நவீன் பட்நாயக் இன்று பதவி ஏற்றுக் கொண்டார். அவருடன் 20 அமைச்சர்களும் பதவியேற்றனர்.
ஒடிஷா சட்டசபை தேர்தலில் நவீன் பட்நாயக் தலைமையிலான பிஜூ ஜனதா தளம் கட்சி மொத்தமுள்ள 147 தொகுதிகளில் 117 இடங்களில் வெற்றி பெற்றது. காங்கிரஸ் கட்சி 16 இடங்களிலும், பாரதிய ஜனதா 10 இடங்களிலும் வெற்றி பெற்றன.
இதனைத் தொடர்ந்து நான்காவது முறையாக ஒடிஷா மாநிலத்தின் முதலமைச்சராக நவீன் பட்நாயக் இன்று பதவியேற்றார். புவனேஸ்வரில் உள்ள ஆளுநர் மாளிகையில் நடைபெற்ற விழாவில், நவீன் பட்நாயக்கும் அமைச்சர்களும் பதவியேற்றுக் கொண்டனர்.
நவீன் பட்நாயக்குடன் 20 அமைச்சர்களும் இன்று பதவியேற்றனர். பதவியேற்பு விழாவை ஒட்டி ஆளுநர் மாளிகை மற்றும் அதன் சுற்றுப்புறப் பகுதிகளில் பலத்த பாதுகாப்பு ஏற்பாடுகள் செய்யப்பட்டிருந்தன.
Click it and Unblock the Notifications
Sign in with Google